Peniani: Nuk pranojmë dialog me parakushte

Qeveria e Koresë së Veriut ka reaguar ndaj deklaratës së të presidentit amerikan, Donald Trump, se “Me Administratën e Penianit ne dëshirojmë të bisedojmë vetëm nën kushtet e drejta”.

Sipas lajmit të agjencisë Yonhap, në një deklaratë nga Ministria e Jashtme e Koresë së Veriut theksohet se nuk do të ketë asnjë dialog mes dy vendeve në rast se Shtetet e Bashkuara të Amerikës propozon kushte për negociata me ta. Ndër të tjera në deklaratën ku vihet theksi se Koreja e Veriut nuk ka ndërmend të braktisë programet bërthamore dhe raketore kundrejt dialogut me administratën e Uashingtonit, thuhet se “Ne dëshirojmë zgjidhjen e çështjes në mënyrë paqësore dhe diplomatike, por nuk do të lutemi kurrë për dialog. Ne nuk do të heqim dorë nga opsioni ushtarak që SHBA e kërkon vazhdimisht”. “Deklarata për kushte e Trumpit tregon se Uashingtoni ka konfirmuar se nuk dëshiron dialog me Korenë e Veriut”, theksohet gjithashtu në deklaratë e Ministrisë së Jashtme koreanoveriore.