Mbytën 4 emigrantë ilegalë në ujërat mes Marokut dhe Spanjës

Burimet informative në Spanjë kanë njoftuar për mbytjen e 4 emigrantëve të paligjshëm në ujërat mes Marokut dhe Spanjës.

Agjencia e lajmeve AFP njoftoi se burimet informative të Spanjës kanë thënë se katër emigrantë ilegal kanë tentuar me një varkë të kalojnë ujërat e Marokut dhe të hyjnë në Spanjë, por si pasojë e mbytjes së varkës kanë humbur jetën në det. Ekipet e shpëtimit të Spanjës kanë gjetur trupat e këtyre emigrantëve në ujërat e ngushticës Gjibraltar mes Marokut dhe Spanjës. I vetmi person që ka shpëtuar nga kjo tragjedi, ka thënë se në varkë ishin 12 persona. Identiteti i këtyre personave akoma nuk është zbuluar.