Puigdemont nga burgu gjerman: Nuk jam kriminel

Lideri katalonas, Carles Puigdemont, i cili po mbahet në paraburgim në Gjermani, me një urdhër arresti evropian, tha se ai nuk është një kriminel dhe se lufta për pavarësinë e provincës spanjolle është bazuar në demokraci dhe jo në dhunë.

“Nuk jam kriminel, kam fituar dy herë në zgjedhje”, tha ai në një bisedë me dy deputetët gjermanë që e vizituan në burg, raportojnë mediat gjermane. Katolonia vitin e kaluar e ka mbajtur referendumin për pavarësi të vendit, i cili referendum nuk është njohur nga Madridi, ndërsa janë lëshuar fletë arreste ndaj zyrtarëve që organizuan referendumin.