Trump: Krimea i përket Rusisë sepse të gjithë flasin rusisht!
Presidenti i SHBA, Donald Trump, u tha krerëve të G7 se Krimea i përket Rusisë, sepse banorët e gadishullit flasin gjuhën ruse, njoftoi rrjeti informativ Buzzfeed.
Shtëpia e Bardhë nuk i ka komentuar fjalët e tij. Gjatë një darke të liderëve të G7 më 8 qershor, Trump e quajti Ukrainën një nga vendet më të korruptuara në botë dhe pyeste pse Grupi i shtatë vendeve më të industrializuara e mbështesin atë, njoftoi Buzzfeed, duke cituar dy burime diplomatike. Grupi G7 quhej G8 përpara se anëtarësimi i Rusisë të pezullohej në 2014 pas shpërthimit të krizës ukrainase dhe pas aneksimit të Krimesë nga Rusia. Krime u nda nga Ukraina dhe u bashkua me Rusinë në pranverën e vitit 2014 kur mbi 97 për qind e banorëve të gadishullit votuan në favor të ribashkimit në një referendum.
