Kongresi bllokon shitjen e avionëve F-35 Turqisë

Kongresi i SHBA ka për qëllim të bllokojë shitjet e avionëve F-35 në Turqi dhe të kufizojë mbështetjen e Uashingtonit për agresionin saudit në Jemen në versionin përfundimtar të projekt-ligjit fiskal për vitin 2019.

Sipas ndihmësve të lartë të Komitetit të Forcave të Armatosura të Kongresit amerikan, Pentagoni duhet së pari të paraqesë një raport tek ligjvënësit për "marrëdhënien e përgjithshme strategjike me Turqinë", të gjitha shitjet e armëve të huaja në Ankara dhe mbi vendimin e saj për të blerë sistemet raketore S-400 të prodhuara nga Rusia, njoftoi revista amerikane Hill, të hënën. Ky veprim është bërë përkundër kërkesës së Sekretarit të Mbrojtjes James Mattis. Shefi i Pentagonit u kishte kërkuar ligjvënësve të mos bllokonin shitjen e avionëve të prodhuar nga Lockhead Martin, duke argumentuar se kjo mund të fillonte një "ndërprerje të zinxhirit të furnizimit" dhe do të rriste çmimin e avionëve F-35. Versioni përfundimtar i projekt-ligjit të mbrojtjes gjithashtu tregon se SHBA po kufizon furnizimin me karburant të avionëve të Arabisë Saudite dhe Emirateve që bombardojnë Jemenin.