SHBA sanksionon kompani ruse dhe kineze

Shtetet e Bashkuara kanë vendosur sanksione të reja mbi një individ dhe tre kompani, duke përfshirë kompanitë e Rusisë dhe Kinës, për shkeljet që lidhen me sanksionet ndaj Koresë së Veriut.

Thesari amerikan tha se sanksionet e reja u vendosën ndaj kompanisë ruse "Profinet Pte Ltd" dhe drejtorit të saj të përgjithshëm, Dalian Sun Moon Star me bazë në Kinë, Trading Co dhe SINSMS Pte Ltd, me bazë në Singapor. Në një deklaratë në faqen e saj, Thesari tha se sanksionet synonin "persona të përfshirë në lehtësimin e dërgesave të paligjshme në emër të Koresë së Veriut" dhe tha se masa ishte pjesë e angazhimit të SHBA-së për "parandalimin e flukseve financiare" të programeve të paligjshme të  në Korenë e Veriut dhe aktivitete "në përputhje me vendimet e Këshillit të Sigurimit të OKB-së". Deklarata tha se taktikat që njësitë në fjalë kishin përdorur për të "shmangur sanksionet" ishin të ndaluara sipas ligjit amerikan dhe se "të gjitha aspektet e industrisë së transportit kanë përgjegjësinë për t'iu bindur" ose të ekspozohen ndaj rreziqeve serioze. "Pasojat për shkeljen e këtyre sanksioneve do të mbeten në vend derisa të kemi arritur denuklearizimin përfundimtar, plotësisht të verifikuar të Koresë së Veriut," thuhet në deklaratë. Më parë këtë muaj, OKB lëshoi një raport i cili pretendonte se Pyongyang nuk kishte ndaluar programet e tij bërthamor dhe raketor dhe kishte kundërshtuar rezolutat e Këshillit të Sigurimit "nëpërmjet një rritjeje masive të transferimeve të paligjshme të produkteve të naftës, si dhe përmes transfertave të qymyrit në det gjatë vitit 2018 ". Një ditë më vonë, SHBA dërgoi propozime në Këshillin e Sigurimit për një sërë sanksionesh të reja ndërkombëtare kundër vendit. Ministria e jashtme e Koresë së Veriut akuzoi Uashingtonin se po përpiqet të zbatojë "presionin ndërkombëtar" mbi Phenianin.