Ish sekretari amerikan i mbrojtjes kritikon Donald Trump
Ish sekretari amerikan i mbrojtjes ka kritikuar presidentin amerikan dhe vendimin e tij për të dalë nga marrëveshja bërthamore.
William Perry, në një mesazh të tij në Twitter ka thënë se vendimi i Donald Turmp për tërheqjen e Uashingtonit nga marrëveshja bërthamore, është një gabim historik, që është në dëm të Amerikës. Ndërsa, Wendy Sherman ish diplomate amerikane dhe kryenegociatore e Amerikës në negociatat bërthamore mes Iranit dhe grupit 5+1, gjithashtu e ka quajtur gabim të madh dhe historik vendimin e presidentit Trump për daljen nga marrëveshja bërthamore. Vendimi i presidentit amerikan për daljen nga marrëveshja bërthamore është dënuar botërisht mes tyre edhe nga Britania e Madhe, Rusia, Franca, Gjermania dhe Kina të cilët kanë theksuar ruajtjen e marrëveshjes bërthamore.
