Takimi i ministrave të mbrojtjes të Rusisë dhe Turqisë në Moskë

Ministri rus i Mbrojtjes Sergei Shojgu dhe ministri turk i mbrojtjes, Hulusi Akar u takuan të premten në Moskë.

Ata diskutuan mbi çështjet rajonale, situatën në Siri dhe bashkëpunimin dypalësh, tha Ministria e Mbrojtjes e Rusisë në një deklaratë, njofton agjencia e lajmeve IRNA. Sipas Ministrisë ruse të Mbrojtjes, të dy palët diskutuan problemet humanitare në Siri, duke përfshirë kthimin e refugjatëve sirianë në vendin e tyre. Rusia ka bashkëpunim të ngushtë me Turqinë në çështjen siriane, që po zhvillohet në kuadër të angazhimit trepalësh të Republikës Islamike të Iranit, Rusisë dhe Turqisë për të zgjidhur krizën siriane brenda kuadrit të bisedimeve.