Gutters: Autorët përgjegjës për vrasjen e myslimanëve duhen dënuar
Sekretari I përgjithshëm I OKB ka kritikuar mos dënimin e autorëve përgjegjës për krimet dhe gjenocidin kundër myslimanëve në Mianmar.
Antonio Gutters, ka thënë se raporti i fundit i inspektorëve të OKB mbi gjendjen në Mianmar duhet analizuar seriozisht. Kombet e Bashkuara janë duke pritur për “qasje efektive” në Mianmar, rajon nga i cili rreth 700,000 myslimanë Rohingya kanë ikur si pasojë e një aksioni ushtarak. Kjo organizatë është pajtuar muaj më parë me Qeverinë për t’iu ofruar ndihmë refugjatëve të kthyer, transmeton Reuters. Agjencitë e OKB-së për Zhvillim dhe ajo për Refugjatë (UNDP dhe UNHCR), kanë nënshkruar një memorandum mirëkuptimi me Qeverinë e laureates së Çmimit Nobel, Aung San në muajin qershor për të lejuar myslimanët Rohingya të kthehen nga Bangladeshi në shtëpitë e tyre. Koordinatori i OKB-së në Mianmar, Knut Osby ka thënë se kërkesa për autorizim të vizitave të stafit janë vonuar apo është ofruar qasje në vetëm disa zona të kufizuara. Osby ka thënë se OKB-ja nuk ka pranuar një ofertë qeveritare për të punuar në vetëm disa fshatra dhe nuk do të dërgojë ekspertë pa negociuar një pakt më të mirë. “Ata janë gati të nisen kur të kemi qasje efektive. Ne duhet të kemi mundësi për të bërë punën si duhet”, ka thënë ai. Komentet e tij kanë ardhur pavarësisht një njoftimi të Suu Kyi, e cila ka thënë se Qeveria ka “siguruar qasje” për OKB-në të punojë në 23 fshatra në veri të Shtetit Rakhine. Kombet e Bashkuara janë penguar dhe u është ndaluar qasje në Shtetin Rakine nga gushti i vitit të kaluar, prej kur Qeveria ka akuzuar agjenci të kësaj organizate për furnizim të militantëve Rohingya me ushqim. Më shumë se 700,000 myslimanë Rohingya janë larguar nga Mianmari, si pasojë e një dhunës ushtarake që kanë nisur në muajin gusht të vitit të kaluar, si kundërpërgjigje ndaj sulmeve të një grupi të armatosur Rohingya.
