Ndryshon qëndrimi i Trump për vrasjen e gazetarit saudit

Duke ndryshuar pozicionin e tij, presidenti i SHBA mohoi përfshirjen e agjentëve sauditë në vrasjen e një gazetari disident saudit në konsullatën e Arabisë Saudite në Stamboll.

Siç raportoi agjencia franceze e lajmeve AFP, Presidenti i SHBA Donald Trump foli të hënën duke ndryshuar pozicionin e tij për të mbështetur aleatët e tij rajonalë në Riad, duke sugjeruar se Jamal Khashoggi, u vra nga "elementë mashtrues". Presidenti i SHBA Donald Trump ka sugjeruar se "vrasës mashtrues" mund të jenë pas zhdukjes së gazetarit saudit Jamal Khashoggi në Turqi. Duke folur me gazetarët pas një telefonate me Mbretin Salman, ai tha se udhëheqësi saudit kishte mohuar në mënyrë të vendosur që të kishte dijeni se çfarë kishte ndodhur me zotin Khashoggi. Të shtunën, Trump kërcënoi Arabinë Saudite me "ndëshkim të rëndë" nëse zbulohet që Khashoggi ishte vrarë brenda konsullatës, por përjashtoi ndalimin e kontratave të mëdha ushtarake me Rijadin. Ndërkohë, Sekretari i Shtetit Mike Pompeo po fluturon menjëherë për në Arabinë Saudite. Hetuesit sauditë dhe turq po zhvillojnë kontrolle në konsullatën saudite ku Khashoggi u pa për herë të fundit. Zyrtarët turq besojnë se Jamal Khashoggi u vra në konsullatë nga agjentët sauditë thuajse dy javë më parë, por Riadi e ka mohuar akuzën. Çështja ka tensionuar lidhjet e Arabisë Saudite me aleatët e saj më të ngushtë perëndimorë.