6 të vdekur nga mbytja e anijes në Turqi

Gjashtë persona kanë humbur jetën, pasi një anije u përmbys në bregdetin turk të Detit të Zi, raportuan autoritetet turke.

”Shtatë prej 13 personave në bord u shpëtuan”, njoftoi agjencia shtetërore turke e lajmeve, AA. Sipas saj, skuadrat e shpëtimit përdorën dy anije, katër helikopterë dhe një aeroplan. Anija tregtare që udhëtonte nën flamurin panamez u mbyt për arsye ende të panjohura në orën 08:00, 130 kilometra larg brigjeve të krahinës së Samsunit. Sipas shtypit, nëntë nga personat në bord janë ukrainas, dy janë azerë dhe dy janë rusë.