Amano: Arabia Saudite duhet të pranojë inspektorët bërthamor
Drejtori i përgjithshëm i ANEA-së deklaroi se Arabia Saudite sapo të marrë ngarkesën e parë me lëndë bërthamore, përfshihet në traktatin e inspektimit të përgjithshëm dhe duhet të lejojë inspektorët e ANEA-së të inspektojnë centralet e këtij vendi.
Gazeta britaneze "The Guardian" në një raport të saj ka shkruar se Jokia Amano, drejtori i përgjithshëm i ANEA-së, ka theksuar se Arabia Saudite para se të importojë lëndët bërthamore për reaktorin që është duke përfunduar në Riad, duhet të pranojë programin e inspektorëve dhe rregulloret e tjera të inspektimit të ANEA-së.
Megjithatë ai ka theksuar se Riadi akoma nuk ka bërë transparent qëllimet dhe motivet bërthamore të tij.
Amano ka thënë: "Ata akoma nuk kanë thënë "PO" ose "JO" dhe aktualisht janë duke menduar për këtë çështje.
Amano gjithashtu ka theksua: "ANEA që nga viti 2014, ka zhvilluar kontakte me Arabinë Saudite në lidhje me këtë reaktor i cili do të përfundojë tërësisht në vitin 2019 dhe kjo çështje nuk është sekrete".
Amano shtoi: "Menjëherë pas marrjes së lëndëve të nevojshme për këtë reaktor, Arabia Saudite përfshihet në traktatin për inspektim dhe duhet t'i respektojë rregulloret përkatëse".
