Merkel favorizon shtyrje më të gjatë të Brexit-it

"Mund të ndodhë një shtyrje më e gjatë nga ajo që kërkoi kryeministrja britanike, megjithatë ne do të formulojmë këtë shtyrje në atë mënyrë që Britania i jep 'dritë jeshile' marrëveshjes për dalje", tha Merkel

Në një shenjë se sa larg kriza trevjeçare e Brexit ka pushtuar fuqinë britanike, May “ngeci” në Berlin dhe Paris të martën, për t’u kërkuar kancelares gjermane Angela Merkel dhe kryeministrit francez Macron që të lejojnë ekonominë e pestë më të madhe në botë, të shtyjë për herë të dytë daljen.

Më shumë se një javë pasi Mbretëria e Bashkuar fillimisht duhej të largohej, May, kryeministrja britanike më e dobët në një brez, ka pranuar se ka frikë se Brexit nuk mund të ndodhë kurrë, pasi ajo lufton për të ratifikuar një marrëveshje në një parlament të ndarë.

Pas premtimit të saj për të dhënë dorëheqjen, sërish nuk arriti të miratojë marrëveshjen, ndaj May filloi bisedimet e krizës me Partinë Laburiste të opozitës, me shpresën për të thyer bllokimin vendas përpara datës së daljes më 12 prill.

Një zyrtar tjetër i BE-së i përfshirë me Brexit tha se një zgjatje ishte shumë e mundshme pasi asnjë fuqi europiane nuk donte kaosin që ata kishin frikë se një dalje pa-marrëveshje do të sillte në tregjet financiare dhe ekonominë e BE-së, prej 16 trilionë dollarësh.