Ron Paul: Trump ndjek interesat saudite, jo ato të Amerikës

Ish-kongresisti republikan dhe kandidati presidencial, Ron Paul ka kritikuar Presidentin e SHBA Donald Trump për vendosjen e interesave të Arabisë Saudite para atyre të Amerikës.

Administrata Trump shpejt fajësoi Iranin për sulmet kundër objekteve të naftës së Arabisë Saudite duke kërcënuar se Uashingtoni do të përgjigjet. Në një intervistë të së hënës, Dr. Paul kritikoi Trumpin duke thënë se ai ishte i gatshëm të bënte gjithçka që Riadi e konsideronte të përshtatshme për këdo që fajësohet për sulmet. Trump thotë se "Unë jam gati të shkoj", por më pas ai thotë, "Unë jam duke pritur për një mesazh nga Arabia Saudite". Paul e dënoi me forcë Trumpin që i lejon sauditët t’i diktojnë atij se çfarë të bëjë dhe kur dhe ku dhe cilin duhet të sulmojnë trupat amerikane. "Zoti President, kjo nuk po e vendos Amerikën të parën. Kjo është duke e vendosur dikë tjetër në radhë të parë, "tha ai. Dr Paul tha se konfuzioni rreth sulmeve ngriti një pyetje krejt të natyrshme. "Mund të jetë një flamur i rremë? Kjo dihet që ka ndodhur kaq shumë herë," kujtoi ai.