Biseda Trump-Zelensky, çfarë kërkoi Presidenti Trump për kundërshtarin politik

Shtëpia e Bardhë publikoi detajet e bisedës telefonike mes presidentit Donald Trump dhe homologut të tij ukrainas që nxiti hetimet për shkarkimin e kreut të administratës amerikane.

Ato tregojnë se Trump i ka kërkuar vertët Volodymyr Zelensky, në 25 korrik, që të hetojë kandidatin demokrat, Joe Biden, djali i të cilit pat punuar për një firmë ukrainase gazi. Më herët, presidenti amerikan kishte premtuar një zbardhje të plotë, të deklasifikuar dhe të paredaktuar të bisedës që nxiti demokratët të kërkojnë shkarkimin  e tij. Trump dëgjohet aty duke i thënë Zelensky-t se si Biden, si zëvendëspresidenti i SHBA-së, kishte lobuar në 2016-tën që Ukraina të pezullonte kryeprokurorin e saj, Viktor Shokin. Zyra e Shokin, sipas tij, kishte hapur një hetim ndaj Burisma-s, një kompani e gazit natyror në të cilën Hunter Biden ishte anëtar bordi. Të dhënat për këtë bisedë dolën nga një informator dhe bënë që një valë ligjvënësish demokratë të njoftonin mbështetjen për procesin e shkarkimit të Presidentit nëpërmjet hetimit në Kongres. Ligjvënësit demokratë thonë se kjo është një krizë e sigurisë kombëtare që duhet t’i shqetësojë të gjithë amerikanët, megjithëse shumica e tyre nuk e mbështesin procesin e shkarkimit.