Johnson kërcënon me zgjedhje të parakohshme

Kryeministri britanik Boris Johnson do të tërheqë ligjin e Brexit dhe do të thërrasë zgjedhje të përgjithshme nëse parlamentarët braktisin debatin e planifikuar parlamentar brenda të cilit duhet të votohet ligji.

Një burim i qeverisë britanike i tha BBC-së se “qeveria nuk dëshiron të humbasë kohën me këtë Parlament”.Ligji për Brexit u njoftua të hënën në mbrëmje dhe një debat po zhvillohet në Parlamentin britanik. Votimi pritet të fillojë rreth orës 19.00 sipas kohës lokale, raporton BBC.