Rritja e veprimtarisë ushtarake amerikane në Greqi

Ushtria amerikane ka dërguar shumë helikopterë luftarakë në Greqi.

Ushtria amerikane vendosi një numër të madh të helikopterëve të saj Black Hawk dhe Apache në qytetin bregdetar grek Volos, raportoi të hënën sajti informativ Defense Blog. Sipas raportit, helikopterët Apache-64 dhe Black Hawk-60 u vendosën të dielën në një bazë ajrore në Volos. Sipas Defense Blog, zyrtarët amerikanë e kanë justifikuar këtë lëvizje ushtarake, duke thënë se transferimi i helikopterëve bëhet për të marrë pjesë në stërvitje të përbashkëta dhe shumëpalëshe me aleatët dhe partnerët dhe për të forcuar marrëdhëniet ushtarake dhe nivelet e gatishmërisë. Një media turke njoftoi kohët e fundit ndërtimin e një baze speciale për vendosjen e helikopterëve dhe trupave amerikane në Greqi për të monitoruar lëvizjet ushtarake turke në Egje. Uashingtoni dërgoi kohët e fundit 2,000 trupa, 700 automjete të blinduara dhe pajisje të tjera ushtarake në bazën amerikane që ndodhet 60 kilometra larg kufirit Greqi-Turqi.