Noam Chomsky: Vrasja e Soleimanit  terrorizëm ndërkombëtar

Studiuesi dhe aktivisti i njohur amerikan Noam Chomsky tha se vrasja e ushtarakut të lartë të Iranit, gjeneral lejtnant Kasem Soleimani, nga Shtetet e Bashkuara të Amerikës është një veprim i "terrorizmit ndërkombëtar", nëse jo ndonjë gjë "më e keqe".

"Kjo (vrasja e gjeneralit Soleimani) është të paktën terrorizëm ndërkombëtar, ndoshta edhe më  keq," i tha Chomsky gazetës kryesore indiane Hindustan Times. Chomsky, një kritik i vendosur i politikës së jashtme amerikane dhe i rolit ushtarak të jashtëm të Uashingtonit, tha se atentati në Irak ishte një shkelje e "ligjit ndërkombëtar". “E drejta ndërkombëtare është mjaft e qartë për këto çështje. Ajo ndalon kërcënimin ose përdorimin e forcës në çështjet ndërkombëtare", tha ai. Aktivisti politik tha gjithashtu se nuk ka asnjë shenjë që prania e ushtrisë amerikane në Azinë Perëndimore do të zvogëlohet gjatë javëve dhe muajve të ardhshëm. "Prania ushtarake amerikane në rajon nuk është zvogëluar nga norma ndër vite dhe unë shoh pak arsye për ta pritur atë. Të gjitha janë të paparashikueshme. Varet nga mënyra se si zhvillohen çështjet ”, tha Chomsky. Sidoqoftë, ai argumentoi se sundimi i fuqisë ushtarake amerikane në rajon tani është shumë më i vogël krahasuar me atë që ishte në vitin 2003, kur SHBA të mbështetur nga Britania e Madhe pushtuan Irakun. "Ky sundim po zvogëlohet krahasuar me kulmin e tij gjatë pushtimit të Irakut (në vitin 2003), krimi më i keq i këtij mijëvjeçari," tha Chomsky.