Heiko Mass: Gjermania respekton vendimin e qeverisë irakiane

Çdo vendim që do të marrë qeveria irakiane rreth pranisë së forcave të huaja, ajo do të respektohet nga gjermania.

Kështu ka thënë Heiko Mass ministër i jashtëm i Gjermanisë në një konferencë të përbashkët shtypi me homologun e tij jordanez. Ministri i Punëve të Jashtme i Gjermanisë, Heiko Maas, ka paralajmëruar se grupi terrorist ISIS mund të kthehen në Irak në rast të tërheqjes së forcave të koalicionit nga vendi. “Tërheqja e trupave nga Iraku do ta bëjë atë një terren pjellor për terrorizmin dhe sulmet do të godasin rajonin dhe Evropën”, tha Maas në një konferencë të përbashkët për media në Amman me homologun e tij jordanez, Ayman Safadi. Iraku është përfshirë nga protestat që nga muaji tetor kundër korrupsionit të thellë dhe kushteve të jetesës në mes të thirrjeve për tërheqjen e forcave amerikane nga vendi. Tensionet midis SHBA-ve dhe Iranit u rritën këtë muaj, pasi SHBA vrau gjeneralin iranian, Kasem Sulejmani, në një sulm ajror në Irak. Teherani u hakmor me lëshimin e dhjetëra raketave balistike mbi bazat ajrore të Irakut, ku ishin të vendosur trupat amerikane. Safadi, nga ana e tij, tha se kaosi në Libi mund të bëhet një magnet për terroristët. Sot më herët, një zëdhënës i qeverisë gjermane njoftoi se Berlini këtë muaj do ta organizojë një konferencë ndërkombëtare mbi konfliktin në Libi. Të martën, mbreti jordanez, Abdullah II, do të nisë një vizitë evropiane, ku kryesisht në takime do t’i trajtojë zhvillimet aktuale rajonale.