Shtohen përleshjet në aeroportin e Khartumit në Sudan
Autoritete sudaneze kanë njoftuar mbylljen e aeroportit të Khartumit dhe të hapësirës ajrore të vendit pasi ushtria është vendosur në gjendje të plotë gatishmërie.
Sipas një njoftimi të agjencisë Sputnik të lajmeve, konfliktet në kryeqytetin e Sudanit janë shtuar dhe disa rrugë që të çojnë në aeroport janë mbyllur. Amer Muhamed Hasan zëdhënës i forcave të armatosura të Sudanit ka kritikuar ashpër punën e shërbimeve sekrete të Sudanit dhe ka thënë se agjentët e këtij shërbimi janë bërë shkak për rritjen e dhunës dhe konflikteve në vend. Konflikte me armë janë regjistruar edhe pranë qendrave ushtarake Riadh, Kaferia, Suba të cilat janë të varur nga shërbimi i inteligjencës së Sudanit në Khartum. Bisedimet e paqes në Sudan kanë nisur në gusht të vitit 2019 dhe kanë vazhduar deri në dhjetor të vitit 2019 mes përfaqësuesve të qeverisë së Khartumit dhe koalicionit të grupeve kryengritëse.