Përçarja e madhe politike në SHBA
Për dallim nga komedia klasike romantike, marrëdhënia Trump-Pelosi nuk ka gjasa të ketë kurrë një fund të lumtur - kryesisht sepse demokratët duan atë që e ka Trump, dhe ai ndjehet mirë me atë që ka.
Fjalimi i Shtetit të Unionit i Presidentit Donald Trump nisi me një fillim partiak dhe arriti në një fund partiak, duke nxjerrë në pah edhe një herë përçarjen midis demokratëve dhe republikanëve që është rritur më shpejt se kurrë për tre vitet e fundit. Këtë herë, ajo shënoi edhe grindjen personale të Trump me kryetaren e Dhomës Nancy Pelosi. Dhoma e Përfaqësuesve i ngjante shkurtimisht një mitingu republikan, kur Donald Trump u ngrit për të mbajtur fjalimin e tij vjetor Shtetit të Unionit të martën, me anëtarët republikanë të Kongresit që po shpërthenin me brohoritje dhe disa ishin duke brohoritur, "Edhe katër vjet!" Demokratët u ulën në heshtje. Atë natë, ashtu si në vitin e kaluar, Kryetarja e Dhomës, Nancy Pelosi ishte mishërimi i përçarjes së mprehtë partiake që ka pllakosur Kongresin. Presidenti i SHBA Donald Trump mbajti fjalimin e tij vjetor për gjendjen e vendit, duke pranuar ftesën e Dhomës së Përfaqësuesve që kohët e fundit ngriti akuza për shkarkimin e tij. Në një fjalim rreth 80 minuta kreu i Shtëpisë së Bardhë foli për gjithçka, por jo për gjyqin e tij. Sipas mediave amerikane, drejtuesit e partisë i kishin kërkuar Trump që të shmangte këtë çështje. Gjatë fjalimit të mbajtur në Dhomën e Përfaqësuesve të Kongresit amerikan, Donald Trump, tha se gjendja e kombit amerikan është më e mirë si kurrë më parë. Megjithatë jo gjithçka shkoi si ishte planifikuar, pasi Trump ka pasur një moment të pazakontë me Drejtuesen e Dhomës së Përfaqësuesve, Nancy Pelosi, me të cilën refuzoi t’i shtrëngojë duart Udhëheqësja demokrate e Dhomës së Përfaqësuesve në Shtetet e Bashkuara Nancy Pelosi është shprehur kundër qëndrimit të Presidentit Trump, madje ajo ka grisur edhe fjalimin e tij. Në përfundim të fjalimit Pelosi i grisi fjalimin presidentit Trump, ku ky i fundit e injoroi veprimin e saj. Kjo u shkaktua pasi Trump nuk i dha dorën me herët kryetares demokrate. Duke dalë nga dhoma, e pyetur nga një gazetar pse e bëri këtë gjest, Kryetarja e Dhomës së Përfaqësuesve u përgjigj: "Sepse kjo ishte gjëja më fisnike që mund të bëja, në krahasim me alternativat". Por fasada e marrëdhënieve Trump-Pelosi, me buzëqeshjen e saj të ngrirë përmes dhëmbëve, humbi të gjithë dekorin kur Kryetarja e Dhomës kryesoi përpjekjet e partisë së saj për të fajësuar Donald Trumpin. Sipas një zëdhënësi të Pelosi, të dy nuk kanë folur që nga 16 tetori, kur një takim bipartizan i Shtëpisë së Bardhë për Sirinë u shndërrua në sharje dhe fyerje dhe Trump e quajti Kryetaren Pelosi një "politikane të klasit të tretë". Ligjvënësit demokratë u larguan nga Shtëpia e Bardhë pas asaj që Pelosi e përshkroi si një "shpërfytyrim" të Donald Trump. Presidenti tha se ishte " nervozja Nancy " që kishte pasur një të tillë. Të tilla incidente do të përkeqësojnë tensionet në Shtetet e Bashkuara dhe mund të çojnë në shkatërrimin e parimit të "mbikëqyrjes dhe ekuilibrit", si një faktor kryesor në stabilizimin e sektorit politiko-ligjor në Amerikë.
