Pse NATO nuk e përkrah Turqinë në Idlib?

Një diplomat perëndimor pranë NATO-s deklaroi për mediat ruse se jo të gjithë anëtarët e NATO-s ndanin objektivat e Turqisë në Siri dhe Libi, dhe çështja e ofrimit të mbështetjes ushtarake për Turqinë nuk ishte ngritur në takimin e Ministrave të Mbrojtjes të NATO-s që u mbajt në Bruksel në 12-13 shkurt.

Ai sqaroi se vendet e këtij Traktati votuan unanimisht kundër "çdo ndihme për Ankaranë në Siri", duke argumentuar se "vdekja e ushtarëve turq në Siri në fillim të shkurtit nuk ishte një arsye që Aleanca të zbatojë nenin 5 të saj dhe të hyjë në konflikt ". Sidoqoftë, ekspertët spekuluan se një nga arsyet e refuzimit të NATO-s për të ndihmuar Turqinë ishin veprimet e Ankarasë, përfshirë ato që lidhen me blerjen e sistemeve ruse të mbrojtjes ajrore S-400. "Për shkak të sjelljes plotësisht të padrejtë të Erdoganit në lidhje me blerjen e sistemeve ruse të mbrojtjes kundërajrore, të cilat, sipas NATO-s, kërcënojnë sigurinë e Aleancës Ushtarake, NATO ka vendosur të ndëshkojë Ankaranë, duke demonstruar se Aleanca duhet të merret në konsideratë. Kjo është e papranueshme për marrëdhëniet mes aleatëve, megjithatë, për NATO-n, është një tjetër arsye për t'i treguar Turqisë që me sjelljen e saj krijon probleme ", vëren eksperti. Realiteti është se Turqia nuk ka qenë në gjendje të përmbushë kërkesën e vërtetë të NATO-s: të sfidojë Rusinë. Ushtria turke u përpoq të sulmonte sistemet ruse të mbrojtjes ajrore në bazën ajrore ruse Hmeimim, por pa sukses. Sajti ushtarak rus Avia.pro pretendon të ketë në dispozicion të tij imazhe që konfirmojnë vendosjen e sistemeve turke të luftës elektronike në provincën siriane të Idlibit, në mënyrë që të kryejnë sulme kundër sistemeve ruse të mbrojtjes ajrore të vendosura në bazën ajrore Hmeimim. "Këto janë sisteme Koral, me ndihmën e të cilave ushtria turke dëshiron të ndërhyjë në mbrojtjen ajrore ruse në mënyrë që të përdorë aeroplanët e saj për të goditur pozicionet e ushtrisë siriane në Alepo dhe Idlib. Korali turk është vendosur 80 kilometra lard nga baza ajrore ushtarake ruse. Këto sisteme me një rreze efektive prej 150 kilometrash mund të kishin shkaktuar ndërprerje në punën e pajisjeve të luftës elektronike ruse, por ato nuk mundën. Ja çfarë dëshironte NATO: Me sistemin S-400 rus në arsenalin e saj, Turqia mund të studiojë mirë mekanizmin e interferencës mes  sistemeve S-400 dhe Koral, për të mos lejuar që Rusia të kontrollojë hapësirën ajrore mbi Sirinë veriore. Duket se ky plan ishte një fiasko ”, thotë eksperti i cituar nga Avia.pro, përpara se të shtonte: "Ankaraja nuk e komenton zyrtarisht transferimin në Siri të pajisjeve të saj të luftës elektronike, megjithatë, Rusia mund t'i perceptojë këto sulme në mbrojtjen e saj ajrore si një agresion dhe të shkatërrojë sistemin turk të luftës elektronike me një sulm kirurgjikal."