Covid-19, Guterres kërkon dhënien fund të luftërave dhe konflikteve
Në kushtet kur bota po përballet me virusin korona, sekretari i përgjithshëm i OKB, Antonio Guterres, ka kërkuar të vendoset armëpushim i përgjithshëm në të gjitha konfliktet dhe luftimet që kryhen në botë
Bota po përballet me rrezikun e përhapjes së jashtëzakonshme të virusit korona dhe në një situatë si është e papërballueshme konflikti, dhuna dhe lufta që merr më shumë jetë njerëzisht, tha në fjalën e tij sekretari Guterres. Organizata Botërore e Shëndetit, e cila do të shqyrtojë mundësitë e mundshme të trajtimit të Covid-19 - planifikon të regjistrojë pacientët e parë këtë javë, tha shkencëtari kryesor i OBSH-së, Dr Soumya. OBSH njoftoi javën e kaluar se kishte prezantuar projektin për të testuar qasjet e trajtimit të korona virusit në disa vende dhe krahasimin e të dhënave për të gjetur se cilat trajtime mund të jenë më efektive. Kur u bë njoftimi, OBSH vuri në dukje se shumë vende ranë dakord të bashkohen me masën, përfshirë Argjentinën, Bahrejnin, Kanada, Francën, Iranin, Norvegjinë, Afrikën e Jugut, Spanjën, Zvicrën dhe Tajlandën. Numri i pacientëve të regjistruar do të varet nga avancimi i pandemisë së korona virusit, tha Dr. Ana Maria Henao-Restrepo, zyrtare mjekësore në Departamentin e OBSH-së për Vaksinat e Imunizimit dhe Biologjikëve.
