Kush i shkruan mesazhet e Trump në Twitter?
Presidenti i Amerikës ka deklaruar se shumë herë mesazhet e tij në Twitter shkruhen nga asistentët e tij.
Agjencia e lajmeve Sputnik njoftoi se Donald Trump, presidenti i Amerikës, ka deklaruar se shumë herë mesazhet e tij në Twitter shkruehn nga ana e asistentëve të tij.
Donald Trump në një intervistë me programin televiziv “Full Measure”, ka deklaruar: “Unë këtë veprim e kryej në dy mënyra. Për shembull, në mbrëmje ose në mëngjes dhe gjatë ditës kur jam shumë i nxënë, prandaj u diktoj atyre dhe ata publikojnë mesazhin në Twitter. Unë kam një asistent me emrin “Dan” i cili punon jashtëzakonisht shumë”.
Presidenti amerikan më parë në një intervistë me “C-Span”, ka thënë se mesazhet e tij në Twitter janë e vetmja rrugë për t’u mbrojtur përball sulmeve të mediave.