Erdogan ka plane për pushtimin e Greqisë?
Sipas dokumenteve të rrjedhura, Turqia thuhet se ka hartuar një plan për të pushtuar Greqinë dhe Armeninë, ndërsa Siria ishte në mes të një lufte civile.
Planet, të hartuara nga Turqia, u emëruan sipas një komandanti ushtarak turk të shekullit të 11-të, raporton faqja e lajmeve Nordic Monitor, e cila tha se i posedon dokumentet. Paraqitur në formatin PowerPoint, dokumentet duhej të ishin ekzaminuar për planifikim të brendshëm nga shtabi i përgjithshëm i ushtrisë turke, i cili kryeson forcat e armatosura në Turqi. Këto plane ishin planifikuar për mirëmbajtjen e kapaciteteve ofensive dhe defensive në frontin perëndimor, por edhe në mënyrë që të jenë në gjendje të shpërndajnë trupat gjatë luftës në Siri. Plani i avancimit turk në kufijtë perëndimorë daton 13 qershor 2014, në mes të luftës në Siri e cila filloi në 2011. Nordic Monitor tha se plani ka të ngjarë të jetë një version i azhurnuar dhe përfundimtar dhe se ai akoma mund të jetë aktiv. Dokumentet përfshinin gjithashtu një plan për të pushtuar Armeninë, që daton 15 gusht 2000. Nordic Monitor raportoi se dokumentet ishin shkëmbyer në një sistem të sigurt mesazhesh nga shtabi i përgjithshëm i ushtrisë turke dhe se ato duket se janë shpalosur aksidentalisht në një dosje gjyqësore e cila u paraqit pas grusht-shtetit të dështuar ushtarak kundër Presidentit turk Rexhep Tajip Erdogan në korrik 2016. Duke kuptuar gabimin e tij eventual, shtabi turk ishte panikuar, duke i kërkuar gjykatës që të lejojë filtrimin e dokumenteve përpara se të paraqiten. Sipas Nordic Monitor, prokurorët kanë anashkaluar këto shqetësime. Grekët ka të ngjarë të shohin raportet që kanë dalë vetëm si një shenjë paralajmëruese.
