Ҳунарманди итолиёӣ дар Ҳарами Имом Ризо (а) мусулмон шуд
Як ҳунарманди мусиқидони итолиёӣ бо гуфтани шаҳодатайн дар Ҳарами мутаҳҳари ҳазрати Имом Ризо (а) ба дини мубини Ислом мушарраф шуд.
Мануритз Балтезулаи 40- сола, ки пеш аз ин масеҳӣ буд, дар пайи иртибот бо мусулмонони эронӣ ва мутолиа дар бораи Ислом, ба ин дини илоҳӣ алоқаманд шуд.
Ин ҳунарманд дар сафар ба Машҳад ва ташарруф ба Ҳарами ҳазрати Ризо(а), бо ҳузур дар идораи умури зоирони ғайриэронии остони Қудси Разавӣ, шаҳодатайн бар забон овард ва мусулмон шуд.
Идораи умури зоирони ғайриэронии остони Қудси Разавӣ дар ин маросим ҳадяҳое назири китобе дар бораи шахсияти ҳазрати Имом Ризо (а), Қуръони карим ба забон англисӣ ва маҳсулоти фарҳангии дигаре ба вай эҳдо кард.
Аз ибтидои имсол то кунун 22 нафар дар Ҳарами мутаҳҳари ҳазрати Ризо (а) мусулмон шудаанд.