Русия: Озмоишҳои мушакии Эрон қонунӣ аст
Мудири бахши манъи густариши силоҳҳои атомии Вазорати хориҷаи Русия таъкид кард, ки дар масири озмоишҳои мушакии Эрон ҳеҷ мамнуияти қонунӣ вуҷуд надорад.
Ба гузориши хабаргузории ТАСС, Михаил Улянов, мудири бахши манъи густариши силоҳҳои атомӣ ва контроли таслиҳотии Русия афзуд, мамнуияти қаблӣ, ки дар қатъномаҳои Шӯрои амнияти Созмони Милал вуҷуд дошт, лағв шуда ва ба ҷойи он дар тавофуқи ҳастаӣ аз Эрон хоста шудааст то аз партоби мушакҳои баллистикӣ худдорӣ кунад.
Вай таъкид кард, ин маҳдудият шомили ҳамаи мушакҳо нест, балки танҳо мушакҳое, ки метавонанд силоҳҳои куштори ҷамъӣ ҳамл кунанд.
Улянов афзуд, дар шароити кунунӣ кӯчактарин далеле вуҷуд надорад, ки пазируфта шавад мушакҳои Эрон қодир ба ҳамли кулоҳаки атомӣ ва ё дигар силоҳҳои куштори ҷамъӣ ҳастанд.
Ин мақоми рус бо таъкид бар коромадии тавофуқи ҳастаии Эрон гуфт, Эрон ҳеҷ силоҳи атомӣ, кимиёӣ ё микробӣ надорад ва то кунун низ бо чунин иттиҳомҳое мувоҷеҳ нашудааст. Пас мушкил дар куҷост?
Улянов афзуд, ки дар шароити феълии минтақа вуҷуди мушакҳое монанди мушакҳои Эрон василае барои тазмини амнияти миллии ин кишвар аст.
