Таҳлил: Идомаи интиқодҳо ба сиёсатҳои зиддиэронии Илҳом Алиев

Алӣ Каримлӣ, раиси ҷиноҳи мавсӯм ба ислоҳталабҳои Ҷабҳаи халқи Ҷумҳурии Озарбойҷон, бо интиқод аз суханони зиддиэронии ахири мақомҳои Боку, изҳороти Илҳом Алиевро барои масрафи дохилӣ ва ба манзури фиреби афкори умумӣ танҳо кишвари мусулмон дар Қафқози Ҷанубӣ арзёбӣ кард.

Ба гуфтаи раиси ҷиноҳи мавсӯм ба ислоҳталабҳои Ҳизби ҷабҳаи халқ, давлати Илҳом Алиев тавони ҳалли мушкилоти иқтисодӣ, фасоди густардаи молӣ ва соири нобасомониҳои мавҷӯдро дар дохили Ҷумҳурии Озарбойҷон надорад ва ба хубӣ медонад, ки дар ин шароит, мардум шиорҳои қавмӣ ва  эҳсосиро меписанданд. Ин сиёсатмадори ғатргаро ҳамчунин тасреҳ кард: Илҳом Алиев муддате бо тарҳи шиори озодсозии Қарабоғ, муддате бо шиори гирифтани каридори Зангзур аз Арманистон афкори умумии Ҷумҳурии Озарбойҷонро фиреб додааст. Акнӯн низ талоши давлати Илҳом Алиев ин аст, ки бо тарҳи шиорҳои зиддиэронӣ, бар мушкилоти иқтисодӣ ва иҷтимоӣ дар кишвар сарпӯш бигузорад.

Бо вуҷӯди он ки ба суханони ахир раиси ҷиноҳи мавсӯм ба ислоҳталабҳои Ҳизби ҷабҳаи халқи Ҷумҳурии Озарбойҷон интиқодҳои зиёде ворид аст, ин ҳақиқатро набояд нодида гирифт, ки нотавонии давлати Илҳом Алиев барои поён додан ба мушкилоти мардуми мусулмон ва шиаи шимоли Арас бисёр ҷиддитар аз он аст, ки бархе аз сиёсатмадорони мухолифи давлати Ҷумҳурии Озарбойҷон ба тасвир мекашанд. Воқеият он аст, ки ба иллати таблиғоти шадид дар расонаҳои Боку ва Анкара, ба назар мерасад, сиёсатмадорони Ҷумҳурии Озарбойҷон таблиғоти ҷараёни туркгароӣ мабни бар ҷалби ҳимояти озаризабонҳои Эронро ба сӯрати нодуруст бовар кардаанд. Мардуми Эронзамин ба хусус озарзабонҳои Эрон таъкид доранд, ки агар қарор бар ваҳдати қавмӣ бошад, Ҷумҳурии Озарбойҷон бояд ба унвони яке аз устонҳои Эрон бори дигар ба Эронзамин меҳан замима шавад. Миллионҳо тан аз озаризабонҳои Эрон дар ҷараёни ҷанги таҳмилии ҳаштсолаи Ироқ алайҳи Эрон, ин ҳақиқатро исбот кардаанд, ки ба инсиҷоми миллӣ ва ваҳдати қавмии Эронзамин бовари қалбӣ доранд. Ба ҳамин далел, бояд гуфт: Сиёсатмадорони Ҷумҳурии Озарбойҷон, ки дастпоча амал мекунанд, ҳамвора ин ҳақиқатроро нодида мегиранд.

Бинобар изҳороти ахири Алӣ Каримлӣ дар бораи сиёсатҳои зиддиэронии давлати Илҳом Алиев, мавзӯи тозае нест. Бисёре аз сиёсатмадорони озарӣ пеш аз ин сиёсатҳои давлати Бокуро алайҳи Эрон ифшо кардаанд. Ба унвони як намуна, Арстун Аруҷлу, коршиноси умури сиёсӣ ва амниятии Ҷумҳурии Озарбойҷон, ки дар Амрико иқомат дорад, ахиран "тарҳи мавзӯи ба истилоҳ" Озарбойҷони воҳид" ва "Турони бузург" тавассути Илҳоми Алиевро ҳуққабозии сиёсӣ хонда буд.

Вай ҳамчунин эълом кард: «Имрӯз Ҷумҳурии Озарбойҷон пур аст аз дуздиҳои сиёсӣ ва ғайрисиёсӣ. Ҳар тафаккуре ҳам, ки ба таври муболиғаомез дастовези дуздиҳо ва ҳуққабозон бишавад, беэътибор мешавад ва аз чашмҳо меуфтад».

Ҷудо аз шинохти мардуми мусулмони Ҷумҳурии Озарбойҷону сиёсатмадорони мухолифи давлати Илҳом Алиев ба таҳаррукот ва изҳори назарҳои мақомҳои давлати Боку бавижа шахси раиси Ҷумҳурии Озарбойҷон, мавзӯи мушкилоти иқтисодии физояндаи мардуми мусулмони шимоли Арас, яке аз муҳимтарин муъзалоте аст, ки мақомҳои Боку бо он мувоҷеҳ ҳастанд. Ин муъзалот, ки умдатан аз ихтилосу дуздиҳои мақомҳои баландпояи давлати Илҳом Алиев аз даромадҳои буҷети Ҷумҳурии Озарбойҷону сарфи ҳазинаҳои чашмгири шахси Алиев барои кумаку мусоидат бо режими саҳюнистӣ дар Қафқози Ҷанубӣ ношӣ мешавад, мумкин аст, дар ояндаи наздик фоҷеъаи бузургӣебарои миллионҳо тан аз атбоъи мусулмони шимоли Арас дар пай дошта бошад. Дар ҳамин замина, як нуктаи қобили тааммули ин воқеият аст давлати Илҳом Алиев дар таблиғоти расонаии Амрико, Туркия ва режими нажодпарасти Исроилро муттаҳидони воқеии мардуми мусулмони Ҷумҳурии Озарбойҷон муаррифӣ мекунад. Давлати Илҳом Алиев  чунин таблиғ мекунад, ки ҷаҳон таҳти султаи саҳюнизми байналмила қарор дораду иттиҳод бо саҳюнистҳо метавонад ба тамомии мушкилоти давлати Боку ва мардуми мусулмони Ҷумҳурии Озарбойҷон поён диҳад. Бо вуҷӯди ин бовари нодуруст, раиси Ҷумҳурии Озарбойҷон ва таҳлилгарони сиёсии ҳомии вай ва туркгароҳои фаъол беҳтар аст, каме ба ин воқеият биандешанд, ки чаро мушкилоти иқтисодӣ ва молии Туркия ва Ҷумҳурии Озарбойҷон ҳар рӯз бештар мешавад? Чаро саҳюнистҳо барои ҳалли мушкилоти мардуми мусулмони Ҷумҳурии Озарбойҷон ва Туркия ба хусус ақшори ҷавону ҷӯёи кор иқдоме ба аал намеоваранд? Посух ба ин суол равшан ва мушаххас аст. Воқеият он аст, ки режими саҳюнистӣ ва Амрико муттаҳиди сиёсатмадороне ҳастанд, ки ҳозир мешаванд ба ватани худу мардуми кишвари худ хиёнат кунанд. Ҳамин иттифоқе, ки ҳамакнӯн дар Ҷумҳурии Озарбойҷон дар шарафи вуқуъ аст аз ҳамин воқеият ношӣ мешавад.

Ба ҳар ҳол дар як ҷамъбандии куллӣ бояд гуфт: Сиёсатҳои нодурусти давлати Илҳом Алиев дар ёфтан муттаҳидони воқеии давлатгароӣ ва мардумсолорӣ дар Ҷумҳурии Озарбойҷон, токунӯн зимни ворид сохтани латмаҳои шадид ба иқтисоди Ҷумҳурии Озарбойҷон, заминаҳои бурузи буҳронҳои шадиди дигареро дар ин кишвар фароҳам кардааст. Бадеҳист, ки ин буҳронҳо умдатан аз сӯи муттаҳидони шахси Илҳом Алиев ба мардуми мусулмони Ҷумҳурии Озарбойҷон ворид мешавад. Аммо ин воқеиятҳо ба ҷои замони ҳол, дар замони оянда ифшо хоҳанд шуд.