Наврӯзӣ: Шаҳид Зайдон ҳеҷ гоҳ барои ҳузур дар буҳронҳо тардид намекард

Порс Тудей — Муовини бурунмарзии Созмони Садо ва Симои Ҷумҳурии Исломии Эрон бо ишора ба рӯҳияи масъулиятпазирии шаҳид Ҳусом Зайдон, хабарнигори собиқи шабакаи телевизионии «Ал-Олам» дар Сурия баён кард: Шаҳид Зайдон ҳеҷ гоҳ барои ҳузур дар ҳаводис ва буҳронҳо тардид намекард.

Ба гузориши Порс Тудей, Аҳмад Наврӯзӣ, муовини бурунмарзии Созмони Садо ва Симои Ҷумҳурии Исломии Эрон дар маросими гиромидошти ёди шаҳид Зайдон, гуфт: «Дар ҷараёни заминларзаи соли 2023 ва ҳамчунин таҳаввулоти Сурия дар соли 2024, шаҳид Зайдон то охирин лаҳзаҳо бо ҷиддият масъулиятҳои хабарии худро дунбол мекард».

Наврӯзӣ афзуд: «Ӯ пеш аз шаҳодат низ дар яке аз маъмуриятҳо ба дараҷаи ҷонбозӣ ноил шуда буд».

Вай бо ишора ба таъкиди Раҳбари муаззами инқилоб бар такрими хонаводаи шуҳадо, гуфт: «Дар маҷмӯаи Садо ва Симо пайгири масоил ва ниёзҳои хонаводаи ин шаҳид ҳастем. Албатта такрими шуҳадо танҳо ба пас аз шаҳодат маҳдуд намешавад; чунонки шаҳид Зайдон дар нахустин давраи ҷашнвораи "Субҳ" низ мавриди тақдир қарор гирифт ва ҷоизаи беҳтарин ривояти хабариро аз они худ кард».

Наврӯзӣ шаҳодати ин хабарнигори ҷабҳаи муқовиматро масъулияти бузурге барои фаъолони расонаӣ донист ва тасреҳ кард: «Душман имрӯз ба таъсиргузории расонаҳои Ҷумҳурии Исломии Эрон ва нақшофаринии аҳли расона дар майдони ҷанги нарм изъон дорад ва ин масъала аҳамияти идомаи роҳи шуҳадои расонаро дучандон мекунад».