Маросими намодинии ташйиъи пайкари Раҳбари шаҳиди Инқилоби Исломӣ дар Баҳрайн
-
Пайкари мутаҳҳари Раҳбари шаҳиди Инқилоби Исломӣ
Порс Тудей - Мардуми Баҳрайн бо баргузории маросими намодинии ташйиъи пайкари Оятуллоҳулъузмо Сайид Алии Хоманаӣ (қуддиса сирруҳу), Раҳбари шаҳиди Инқилоби Исломӣ, бори дигар байъат ва пойдории худро дар роҳи Раҳбари шаҳиди уммат эълон карданд.
Ба гузориши Порс Тудей ба нақл аз Ирна, пойгоҳи хабарии Эътилофи ҷавонони инқилоби 14 феврали Баҳрайн навишт: Режими Оли Халифа натавонист мардуми Баҳрайнро аз ҷабҳаи муқовимат ҷудо кунад, зеро миллионҳо нафар аз онҳо дар маросими ташйиъи пайкари имоми мазлумон, Раҳбари шаҳид Сайид Алии Хоманаӣ (қуддиса сирруҳу) ширкат карданд.
Бар асоси ин гузориш, ба рағми маҳдудиятҳои шадид, мамнӯияти сафар ва таҳдидҳо аз сӯи режими Оли Халифа, девори шаҳрҳои Баҳрайн бо шиорҳои азодорӣ, тасвирҳои Раҳбари шаҳиди уммат ва деворнавиштаҳое бо шиори «Қиём барои Худо» музайян шуда буд.
Дар теъдоде аз ин шаҳрҳо, сокинон бо баргузории маросими намодинии ташйиъи Раҳбари Инқилоби Исломӣ, тобутҳои намодини пайкари шаҳиди уммат ва парчамҳои интиқомро ҳамл ва бори дигар байъат ва пойдории худро дар роҳи Раҳбари шаҳиди уммат эълон карданд.
Бархе шаҳрҳои Баҳрайн низ шоҳиди роҳпаймоиҳои азодорӣ барои Қоиди шаҳиди уммат буд, ки тайи он, тазоҳуркунандагон мухолифати худро бо ҷанги режими Оли Халифа алайҳи шиаёни Баҳрайн ва ҳамсӯии ин режим бо таҷовузи амрикоӣ - саҳюнистӣ алайҳи Эрон иброз карданд.
