Қазоқистон барои нахустин бор бензин содир мекунад

Вазири энержии Қазоқистон эълом кард, ки ин кишвар барои нахустин бор содироти бензини тавлидии худро ба кишварҳои Осиёи Марказӣ ва Аврупо ба зудӣ оғоз хоҳад кард.

Канат Бозумбоев рӯзи шанбе дар нишасти расонаӣ эълом кард: “Содироти бензини тавлидии худро аз ҳафтаи оянда ба кишварҳои Осиёи Марказӣ, аз ҷумла Узбакистон, Тоҷикистон ва ҳамин тавр Афғонистон ва бархе кишварҳои аврупоӣ содир хоҳем кард”.

Пештар Қазоқистон бензинро аз кишвари ҳамсояи худ, яъне Русия ворид мекард, зеро тавлидоти дохилии ин кишвар барои таъмини ниёзҳои дохилӣ кофӣ набуд.

Вазири энержии Қазоқистон ҳамчунин эълом кард, ки музокироти мақомоти ин кишвар бо Беларус, Қирғизистон ва Арманистон, ки тамоюл ба таҳияи маҳсулоти нафтии Қазоқистон доранд, баргузор шудааст. Бозамбоев афзуд, дар ҳоли ҳозир қимати миёнаи бензини АИ-92 дар Қазоқистон 148.7 танга (баробар бо 4 сомонӣ ё 16,507 риёл) ва сӯхти дизели тобистонӣ 192 танга (5 сомонӣ 21,271 риёл) аст ва содироти бензини АИ-92 байни 60 то 70 ҳазор тон ва АИ-95 байни 10 то 15 ҳазор тон аст.

Иқтисоди ин кишвар то ҳадди зиёде ба бахши кишоварзи муттакӣ аст. Қазоқистон бештарин тавлиди нохолиси дохилӣ ва даромади саронаро дар миёни ҷумҳуриҳои тозаистиқлолёфта дорад ва низ аз аъзои муҳими Созмони Ҳамкории Шанхай аст. Ин кишвар ёздаҳумин манобеи бузурги ҷаҳон ҳам дар нафту ҳам дар гази табиро дар ихтиёр дорад.

Кашфу истихроҷи нафт дар манотиқи ғарбӣ, дар канори дарёи Хазар ин кишварро ҷузви кишварҳое бо дарсади рушди иқтисодии боло дар миёни ҷумҳуриҳои Иттиҳоди Шӯравии собиқ қарор додааст. Қазоқистон ба даромадҳои нафтии бисёр вобастааст ва суқути ҷаҳонии қимати нафт дар даврае вазъияти иқтисодии ин кишварро душвор кард.