Сандуқи молии Имон бо усули исломӣ дар Суғд оғоз ба кор мекунад
Сандуқи молии мавсум ба Имон, бар асоси меъёрҳои бонкдории исломӣ фаъолияташ ро дар шаҳри Хуҷанд маркази вилояти Суғд бо ҳадафи кумак ба рӯшди бахши хусусӣ оғоз хоҳад кард.
Ба нақл аз дафтари матбуотии раёсати вилояти Суғд, хонуми Гулбаҳор Маҳкамова мудири ин сандуқ, пас аз анҷоми маносики ҳаҷ тасмим ба ифтитоҳи ин сандуқ бар асоси меъёрҳои бонкдории исломӣ гирифт.
Вай гуфтааст,ки сохтмони марказии ин сандуқ дар шаҳри Хуҷанд омодаи фаъолият аст фаққат мунтазири дарёфти иҷозатномаи расмии Бонки миллии Тоҷикистон ҳастанд.
Маҷлиси намояндагони Тоҷикистон дар соли 2014 қонуни Бонкдории исломӣ дар ин кишвар ро тасвиб кардааст,ки ба фаъолияти бахши хусусӣ иҷозатномаи таъсис ва мудирияти марказҳои молӣ ва эътиборӣ бо меъёрҳои банкдории исломи ро эъто мекунад.
Хонуми Гулбаҳор Маҳкамова ба таври ҳамзамон мудирияти муасисаи молӣ ва эътибории Имон Интернешнал ро низ бар уҳда дорад,ки бо сармояи 20 миллион сомонӣ барои 600 муштарӣ аз фаъолияти бахши хусусӣ хидматрасони мекунад.
Ин дар ҳоле аст,ки ахиран Шариф Раҳимзода раиси Кумитаи умури иқтисод ва молияи маҷлиси намояндагони Тоҷикистон дар нишасти парлумони ин кишвар дар бораи қонунҳои бонкдории исломӣ тавзиҳоте дод. Вай таъкид кардааст,ки дар бонкдории исломӣ дарёфти суди молӣ ва дар сад аз маблағҳо мамнуъ аст ва тарафҳо даромади ҳосиларо ба таври баробар тақсим мекунанд.
Бо вуҷуди тасвиби қонунҳои бонкдории исломӣ дар Тоҷикистон дар соли 2014 ин навъи кор дар ин кишвар амалӣ нашудааст.