Шикасти расонаии режими саҳюнистӣ дар музокироти Эрон - Амрико

Порс Тудей - Бо таваҷҷуҳ ба муваффақияти Эрон дар таҳмили хутути қирмизи худ ба Амрико, наҳваи пӯшиши муғризонаи таҳаввулоти музокирот тавассути расонаии режими саҳюнистӣ, чизе ҷуз шикаст барои он режим надошт.

Ба гузориши Порс Тудей, Эрону Амрико солҳо пас аз БарҶом ва мавозеъи хасмонае, ки Доналд Трамп, раисиҷумҳури Амрико бо хурӯҷ аз ин тавофуқ эҷод кард ба нуқтаи музокира бозгаштанд.

Рӯзи гузашта, гуфтугуҳои ғайримустақим ба раёсати Саидаббоси Ироқчӣ вазири умури хориҷаи Ҷумҳурии Исломии Эрон ва Стив Виткофф, намояндаи вижаи Трамп дар умӯри Ғарби Осиё дар Рим, пойтахти Италия баргузор шуд.

Тарафайн, ин гуфтугуҳоро «мусбату созанда» арзёбӣ карданд ва қарор аст ҳафтаи оянда низ идома дошта бошад.

Муваффақияти ошкори Эрон дар музокироти ахир дар ҳоле аст, ки дар рӯзҳои мунтаҳӣ ба музокироти ғайримустақими байни Эрону Амрико, гузоришҳои мутааддиде дар бораи «дасти заъифи Эрон дар музокирот» аз сӯии саҳюнистҳо ва бозуҳои расонаии онҳо мунташир шуд.

Аммо дар ду давраи музокирот, шоҳиди он будем, ки тибқи изҳороти вазири хориҷаи Эрон ва дигари мақомоти эронӣ, музокирот ба таври ғайримустақим идома дошта ва пас аз поён ёфтани гуфтугуҳо, дар ростои риояти назокати дипломатӣ, ҳайати эронӣ ва амрикоӣ бо якдигар дидори кӯтоҳ доштанд.

Аз тарафе, ҳатто пеш аз музокирот мушаххас шуд, ки Вашингтон ба хостаи Эрон барои муаррифии Уммон ба унвони миёнҷигар байни 2 кишвар тан дода ва Иморот (гузинаи Вашингтон барои миёнҷигар) тавассути Теҳрон пазируфта нашудааст.

Яке дигар аз хостаҳои иҷро шудаи Эрон, барқарории гуфтугуи одилона дар фазои эҳтироми мутақобил, бидин ҳар гуна изҳороти таҳдидомез буд ва тибқи гузоришҳои мунташир шуда дар расонаҳои ҷаҳонӣ ва дохилӣ, илова бар фазое муҳтарамонаи гуфтугуҳо, дар пешнависи ироа шудаи Стив Виткофф ба Ироқчӣ, сухане аз барчида шудани таъсисоти ҳастаии Эрон ё таҳдид алайҳи ин кишвар дар миён набуд.

Бо ин вуҷӯд, бархилофи гузориши расонаҳои муътабари ҷаҳонӣ, расонаҳои режими саҳюнистӣ ва бозуҳои расонаии форсизабони онҳо, ки танҳо дағдағаашони тазъифи Эрон аст, Теҳронро ба заъиф будан ва «тан додан» ба хостаҳои Вашингтон муттаҳам карданд.

Бо шурӯи гуфтугуҳо ва интишори гузоришоти мутааддид дар бораи муваффақиятомез будани ин давр аз талошҳои дипломатии Теҳрон ва Вашингтон, шоҳиди он будем, ки расонаҳои ҳамсӯ бо режими саҳюнистӣ ба тахриби Эрон рӯ овараданд.

Дар ниҳоят тамомии гузоришҳои мунташир шуда аз сӯи ин расонаҳо тавассути Теҳрон ва Вашингтон рад ва тарафайн эълом карданд, ки гуфтугуҳо муваффақиятомез буда ва дар ҳафтаи оянда идома пайдо хоҳад кард.

Рӯйкарди Эрон дар истодагӣ рӯи арзишҳо ва ҳуқуқи миллати ин кишвар ба ҳадде муваффақиятомез буд, ки бо вуҷӯди талоши саҳюнистҳо барои тахриби рӯйкарди сиёсии Теҳрон, расонаҳои ҷаҳонӣ аз музокирот ба унвони як «пирӯзии дипломасӣ» барои Эрон ёд кардаанд.

Дар ҳамин росто, хабарнигори шабакаи Алҷазира дар бораи музокироти ғайримустақими Эрон ва Амрико гуфт, ончӣ дар Уммон анҷом шуд, «пирӯзии бисёр бузург» барои дипломасии Эрону нуфуз дар яке аз печидатарин парвандаҳои минтақа буд.

Бо ин тафосир бояд таъкид кард: Ҳар иттифоқе, ки дар раванди музокирот рух диҳад, бо таваҷҷуҳ ба муваффақияти Эрон дар таҳмили хутути қирмизи худ ба Амрико ва пирӯзии дипломасӣ дар ин музокирот, наҳваи пӯшиши муғризонаи ин таҳаввулот тавассути бозуҳои расонаии режими саҳюнистӣ чизе ҷуз рӯсиёҳӣ барои онҳо дарпай нахоҳад дошт.