Оё саҳюнистҳо Ҷабалушшайхро ба Ҷулони дувум табдил мекунанд?

Порс-Тудей. Таҳлилгари ҷаҳони араб ба воковии иқдомоти режими саҳюнистӣ ва ҷавлон додани мақомоти аршади низомии ин режим дар Сурия пардохт.

Абдулбори Атвон, таҳлилгари ҷаҳони араб дар матлабе дар рӯзномаи фароминтақаии “Раъй-ул-явм” ба парсазании ҳайати низомии режими саҳюнистӣ ба раёсати генерал Эял Замир, раиси Ситоди артиши режими саҳюнистӣ дар манотиқи ишғолии Ҷабалушшайх ва минтақаи ҳоил дар Сурия ишора кард.

Ба гузориши “Порс-Тудей”, Атвон навишт: Инки Замир бидуни ҳеҷ муқовимате дар Ҷабалушшайх ва минтақаи ҳоил ворид шуда, ба ин маъност, ки Сурияи ҷадид бидуни ҳокимияту ҳайбат, комилан таслими авзое аст, ки режими ишғолгар бо зӯр таҳмил кардааст.

Вай афзуд: Ҷануби Сурия шитобон ба Ҷулони дигаре табдил мешаваду ишғолгарии саҳюнистҳо доимӣ шуда ва муваққатӣ нест. Ин воқеиятро Бенёмин Натанёҳу чанд рӯз қабл баён карду гуфт, ки сайтараи неруҳои исроилӣ бар ҷануби Сурия то муддати номушаххас идома дорад.

Ин таҳлилгари араб бо ишора ба адами вокуниши Туркия ба ҳамалоту иқдомоти режими саҳюнистӣ бо тавваҷуҳ ба инки Анкара ҳомии бузурги низоми ҷадиди Сурия аст, идома дод: Ҷангандаҳои режими Исроил беш аз 200 ҳамла ба фурудгоҳҳои низомӣ дар шимоли Сурия, ҳаммарз бо Туркия ва дар минтақаи ҳумаи Ҳимс ва пойгоҳҳои дигаре дар Ҳумоҳу Ҳалаб анҷом дода ва онҳоро ба таври комил вайрон карданд. Он ҳам сооте пас аз сафари ҳайати низомии Туркия. Ҳадаф аз ин ҳамалот мамониат аз тақвияти ҷои пои низомии Туркия дар Сурия буд, аммо ҳеҷ ҷанганда ё сомонаи дифои мушакии Анкара барои муқобила бо онҳо фаъол нашуд.

Атвон таъкид кард, режими саҳюнистӣ заминҳои Сурияро ором - ором мебалъад ва итминон дорад, ки хатаре дар муқобилаш нест. Агар назарияи кунунӣ мабнӣ бар рақобати Туркия ва режими Исроил барои чанг андохтан бар мероси Сурия сиҳҳат дошта бошад, ҳамаи шавоҳид ҳокӣ аз баранда шудани ин режим дар ин мусобиқа аст.

Сардабири “Раъй-ул-явм” навишт: Сурия давлате шикастхӯрда дар мақтаи кунунӣ аст ва дар уфуқ нишонае барои инки ин вазъият дар оянда тағйир кунад ҳам вуҷуд надорад. Муқовимат дар баробари ишғолгарон, ба вижа ишғолгарони саҳюнист дақиқтарин абзори санҷиши ҳокимияти миллӣ ва дарки завоёи оянда аст ва дар сояи набуд ин муқовимати низомӣ ё ҳатто лафзӣ, тасвири оянда бисёр тираву тор ба назар мерасад ва хушбинона нест.