Сенарияҳои рӯёрӯии Амрико ва Венесуэла - аз амалиёти махфӣ то ҷанги чирикӣ

Порс-Тудей. Дар пайи ташдиди танишҳои дуҷониба, Амрико сенарияҳои мухталифе, аз амалиёти махфӣ то мудохилаи низомии маҳдудро барои Венесуэла дунбол мекунад ва дар муқобили Каракас роҳбурди ҷанги чирикӣ ва муқовимати тӯлонимуддатро тарроҳӣ кардааст.

Бар асоси гузоришҳои мунташиршуда, Вашингтон се сенарияи аслиро дар қиболи Венесуэла пайгирӣ мекунад. Сенарияи аввал, шомили густариши амалиёти махфӣ ва ҷосусӣ ба раҳбарии СИА бо ҳадафи ниҳоии сарнагунии давлати Николас Мадуро аст.

Сенарияи дувум, иҷрои ҳамалоти заминии маҳдуд пас аз ҳадаф қарор додани киштиҳои Венесуэла аст, ки мумкин аст бо ҳамалоти ҳавоӣ ба мавозеи низомӣ ва таъсисоти зербиноӣ ҳамроҳ шавад.

Сенарияи сеюм, афзоиши фишори иқтисодӣ аз тариқи ташдиди таҳримҳо ва табақабандии фаъолиятҳои иқтисодии Венесуэла, дар зумраи гуруҳҳои террористӣ аст.

Ба мувозоти ин сенарияҳо, гузинаи дипломатӣ низ аз тариқи музокироти мустақим бо давлати Венесуэла дунбол мешавад.

Ба гузориши “Порс-Тудей”, дар муқобил давлати Венесуэла роҳбурдҳои дифоии мутанаввеъеро тарроҳӣ кардааст. Дар раъси ин барномаҳо, пеш гирифтани роҳбурди ҷанги чирикӣ аст, ки воҳидҳои низомии кучакро дар амалиётҳои муқовимати тӯлонимуддат ба кор хоҳад гирифт. Бар асоси баровардҳои манобеи амниятӣ, ҳудуди 60 ҳазор нафар аз артишу горди миллии Венесуэла барои вуруд ба як ҷанги тӯлонимуддат омодабош гирифтаанду Мадуро низ эълом кардааст, ки дар сурати лузум 8 миллион ғайринизомӣ барои дифоъ аз кишвар омӯзиш хоҳанд дид.

Каракас ҳамчунин бар стратегияи мушорикат додани дастгоҳи иттилоотӣ ва гуруҳҳои мусаллаҳи ҳомии ҳизби ҳоким дар набарди эҳтимолӣ такя дорад. Манобеи амниятӣ теъдоди ширкаткунандагон дар ин сенарияро байни 5 то 7 ҳазор нафар тахмин мезананд. Ин роҳбурд ба гунае тарроҳӣ шудааст, ки ҳар гуна мудохилаи хориҷиро бо печидагиҳои амалиётӣ мувоҷеҳ сохта ва саҳнаи майдониро ба таври густардае мухтал кунад.

Таҳлилгарон таъкид мекунанд, ки агарчӣ Амрико бар заъфи тавонмандиҳои низомии Венесуэла ва коҳиши ҳимоят аз давлат дар ниҳодҳои амниятӣ ҳисоб боз кардааст, аммо роҳбурди муқовимати тӯлонимуддати Каракас метавонад ҳазинаи ҳар гуна мудохилаи хориҷиро ба шиддат афзоиш дода ва онро бо чолишҳои ҷиддӣ мувоҷеҳ созад.