Табъизи созмонёфта алайҳи донишҷӯёни мусулмон дар донишгоҳҳои Калифорния

Порс тудей - Шӯрои равобити исломӣ - амрикоии шуъбаи Калифорния дар гузорише эълом кард: 49 дарсад аз донишҷӯёни мусулмон дар иёлати Калифорнияи Амрико дар маърази озору азияту табъиз қарор доранд.

Шӯрои равобити исломӣ - амрикоии шуъбаи иёлати Калифорния дар гузорише бо унвони «вазъияти донишгоҳҳои Калифорния дар соли 2024» ба ҳаводиси исломҳаросӣ дар донишгоҳҳо ва муассисоти омӯзишии ин иёлат пардохт.

Ба гузориши Порс тудей ба нақл аз хабаргузории Шабистон, дар ин гузориш омадааст: 49 дарсад аз донишҷӯёни мусулмон дар 87 донишгоҳу муассисаи омӯзиши олӣ дар иёлати Калифорнияи Амрико дар маърази озору азияту табъиз қарор доранд.

Бар асоси ин гузориш, 37 дарсад аз донишҷӯёни мусулмон гуфтаанд, ки коркунони омӯзишӣ онҳоро ба далели ҳувияти мазҳабиашон ҳадафи табъиз қарор медиҳанд.

47 дарсад аз донишҷӯёне, ки бо табъиз мувоҷеҳ шуданд, эълом карданд, ки тамоюле ба баёни нигарониҳои худ ба мудирияти донишгоҳ надоранд ва 36 дарсад ҳам таъкид карданд, ки наметавонанд назароти сиёсии худро комилан озодона дар муҳавватаи донишгоҳ баён кунанд.

Гуфтанист, ки донишгоҳҳои Амрико дар пайи эътирозоти ҳамбастагӣ бо фаластиниҳо, ки аз авосити апрел дар Донишгоҳи Колумбия оғоз шуд ва ба бисёре аз донишгоҳҳои ҷаҳон густариш ёфт, иқдомоти сахтгиронатареро зидди донишҷӯён оғоз карданд.

Полиси Амрико бо тавассул ба зӯр бисёре аз донишҷӯёнро дар ин муддат боздошт ва дар иқдоми ғайриқонунӣ иқдом ба кашфи ҳиҷоби бархе донишҷӯёни мусулмони боздошт шуда карда буданд.

Намояндагони Конгресси Амрико, ҳамчунин руасои се донишгоҳи Ҳарвард, Пенсилвания ва MIT-ро ба ҷурми эътирозоти донишҷӯёну асотид ба ҷиноёти Исроил дар Ғазза мавриди бозҷӯӣ қарор доданд. Ин иқдом пас аз он сӯрат гирифт, ки Конгресс қатъномаеро дар маҳкӯмияти иқдоми донишҷӯён дар бархе донишгоҳҳои амрикоӣ барои эъломи ҳимоят аз Навори Ғазза тасвиб кард.