Коршиноси рус: Гуфтугӯи фарҳангӣ БРИКС-ро мутамойиз мекунад

“Порс-Тудей”. Як коршиноси рус таъкид кард, ки гуфтугӯи фарҳангӣ ҳамон омиле аст, ки БРИКС-ро аз ҳамаи эътилофҳои дигар монанди Созмони ҳамкории Шанхай, Осеон ва Гуруҳи 20 мутамойиз мекунад.

Гуруҳи БРИКС дар ибтидо ба унвони як эътилофи иқтисодӣ бо тамаркуз бар масоили амнияту тавсеа шакл гирифт.

Таҳлилгарон муътақиданд, ки БРИКС барои дастёбӣ ба таомули муассир, лозим аст то низоме ҷадид аз мухтассоти иҷтимоӣ ва инсониро бозандешӣ карда ва шакл диҳад.

Ба гузориши “Порс-Тудей”, Николай Порхитко, донишёри гуруҳи назария ва таърихи рӯзноманигории Донишгоҳи Рудни Русия дар гуфтугӯ бо ТВ БРИКС гуфт: Гуфтугӯи фарҳангӣ ҳамон омиле аст, ки БРИКС-ро аз ҳамаи эътилофҳои дигар, монанди Созмони ҳамкории Шанхай, Осеон ва Гуруҳи 20 мутамойиз мекунад.

Порхитко афзуд: Фарҳанг чизест, ки инсонҳоро барои қарнҳо ба ҳам пайванд медиҳад, на фақат инсонҳо, балки кишварҳо ва ҳатто қораҳоро. Наметавонам бо итминон бигӯям, гуфтугӯи фарҳангӣ дар шакле ки дар БРИКС ҷараён дорад, намунае улгувор аз ин навъи таомул дар сатҳи иртибототи байналмилалӣ аст.

Ин коршиноси Русия афзуд: Метавон ба таомули фарҳангҳои мо нигоҳ кард. Имрӯз равобити роҳбурдии Русияу Чин ба сатҳе бесобиқа расидааст. Ҳамин мавзуъ дар бораи равобити Русия бо Эрон, Миср, Эфиопия ё Индонезия низ сидқ мекунад.

Дар ҳамин замина Руслан Гребнеф, муовини донишкадаи фарояндҳои ҷаҳонии Донишгоҳи давлатии Маскав низ таъкид кард, ки фарҳанг, омӯзиш ва дипломатия аносири калидӣ дар шаклгирии як фазои арзишӣ ва ҳинҷоре муштарак дар БРИКС ҳастанд.

Вай муътақид аст, ҳамкориҳои инсонӣ пайвандҳои иҷтимоии пойдор, эътимоди мутақобил ва маъонии муштарак эҷод мекунад, ки дар ниҳоят ба афзоиши машруияти тасмимҳои иттихозшуда дар сатҳи байнидавлатӣ меанҷомад.

Гребнеф афзуд: Чунин ҳамкориҳое ба тасбити БРИКС ба унвони як кунишгар дар назми ҷаҳонии чандмарказӣ кумак мекунад. Дар натиҷа, фарҳанг, омӯзиш ва дипломатия таомул миёни кишварҳои моро аз сатҳи манофеи сирф ба сатҳи ҳувияти БРИКС иртиқо медиҳад ва пойдории баландмуддати ин гуруҳро тазмин мекунад.