Корона ва дастури кандани ҳазорон гур дар бузургтарин шаҳри Бразил
Дар пайи густариши шуйюи корона дар Бразил, мақомоти Сан-Паулу- бузургтарин шаҳри ин кишвар, дастури кандани ҳазорон қабрро барои дафни аҷсоди қурбониён содир карданд.
Ба нақл аз хабаргузории Садо ва Симои Эрон, шуйюи вируси корона дар Бразил ба ҳадде аст, ки низоми дармонии ин кишвар дар муқобили он нотавон шудааст ва мақомоти шаҳри Сан-Паулу дастури кандани ҳазорон гурро содир кардаанд.
Тасовири ҳавоии сабтшуда аз Вила Формоса- бузургтарин гуристони Амрикои лотин, дастаҳои қабрҳоро нишон медиҳад, ки канори якдигар ҳафр шудаанд.
Гуфта мешавад беш аз 13 ҳазор қабр дар ин гуристон дар ҳоли омода шудан аст.
Теъдоде аз вазирони тандурустии пешини Бразил якшанбеи ҳафтаи гузашта дар эътироз ба саҳлингории Жайр Болсонаро- раиси ҷумҳури ин кишвар дар бораи шуйюи бемории COVID-19 ва бетаваҷҷуҳӣ ба тавсияҳои беҳдоштии Вазорати тандурустӣ ва Созмони умумиҷаҳонии тандурустӣ, ба Комиссарияи олии ҳуқуқи башари Созмони Миллали Муттаҳид шикоят карданд.
Бразил бо 97 ҳазору 100 нафар мубтало, болотарин омори мубталоён ба коронаро дар Амрикои лотин дорад.
Шумори қурбониёни корона дар Бразил то кунун ба шаш ҳазору 761 нафар расидааст.
