Русия қонуни нави муҳоҷиратро таҳия мекунад
Вазорати умури дохилаи Русия қонуни навро дар бораи муҳоҷирон таҳия мекунад, ки он метавонад аз соли 2024 эътибор пайдо кунад.
Бино ба иттилои Радиои тоҷикии Садои Хуросон،Қонуни нави муҳоҷират, ки феълан дар Русия мавриди бозбинӣ қарор дорад, масълаҳои вуруд, будубош ва фаъолияти меҳнатии муҳоҷиронро дарбар мегирад, мегӯяд, Кирилл Адзинов муовини сардори Саррайсати муҳоҷирати ВУД Русия.
Ба гуфтаи ӯ, ин ҳуҷҷат аз соли 2024 ба ҳукми иҷро медарояд.
"Мо қонуни калонеро таҳия дорем, ки қоидаҳоро дар соҳаи муҳоҷират ба куллӣ тағир медиҳад. Он ба муносибатҳои ҳуқуқии марбут ба вуруд, будубош, кори шаҳрвандони хориҷӣ таъсир мерасонад ва боиси бекор кардани як қатор санадҳое мегардад, ки ҳоло амал мекунанд. Тибқи нақшаҳо, ин қонун бояд аз соли 2024 эътибор пайдо кунад", - гуфт Адзинов дар конгресси байналмилалӣ оид ба туризми тиббӣ ва саломатӣ.
- Адзинов гуфт, ки танҳо ду намуди вуруд ба Русия боқӣ мемонад, ки яке бо раводид ва дигаре бидуни он.
- Ҳамзамон танҳо як санад ҷорӣ мешавад, ки ҳамаи ҳуҷҷатҳои
- ҳозира барои хориҷиёнро иваз мекунад.
Дар идома ӯ изҳор дошт, ки масъалаи расонидани кумаки тиббӣ ба муҳоҷирон дар доираи суғуртаи ҳатмии тиббӣ ва гирифтани раводиди тиббӣ дар назар аст.
