Eýran Ýemen söweşinde ýarag goldawynyň bes edilmegini isledi

Eýranyň BMG-nyň Ženewadaky hemişelik wekili uruş isleýji taraplar diňe bigünä adamlary öldürmek üçin ulanylýan ýaraglaryň satylmagyny bes etmelidirler diýdi.

IRNA habar gullugynyň habaryna görä, "Ysmaýyl Bagaýy Hamaneh" duşenbe güni BMG Adam Hukuklary Geňeşine ýüzlenip, Ýemendäki ynsanperwerlik ýagdaýynyň çözülmeginiň zerurdygyna yşarat edip Ýemen halkyna garşy bikanun güýç ulanmak BMG düzgünnamasynyň aç-açan bozulmagy we öz ykbalyňy kesgitlemek hukugynyň tersidir diýdi.

Ol Käbir ýurtlaryň Ýemen krizisine berýän maliýe kömegine ünsi çekip, bu meseläniň bu gumanitar betbagtçylyga sebäp bolanlar tarapyndan örtük hökmünde ulanylmaly däldigini aýtdy.

Harby gatyşmagy bes etmegiň kenarynda Gabawy duruzmak we tutuş ýurt boýunça ynsanperwer kömegine elýeterliligi ýeňilleşdirmek ileri tutulýan ugur bolmalydyr diýip Hamaneh sözlerine goşdy.

"Hamaneh" sözüniň dowamynda  Yslam respublikasynyň bu ganly konfliktiň çözgüdini tapmak üçin BMG-nyň ýörite wekili we beýleki taraplar bilen maslahatlaşmak arkaly tagallalaryny dowam etdirmegi isleýändigini aýtdy.

Ol sözüniň üstüni ýetirdi: Eýran, bu ýurdy ýer ýüzündäki iň erbet gumanitar betbagtçylyga öwüren Ýemen halkynyň çekýän jebir-jepalaryny ýeňletmek üçin islendik çäräni makullaýar.