Hatibzadeh: Milletleriň hukuklaryny bozýan ýurtlar adam hukuklarynyň statusyny talap edip bilmeýärler

Eýranyň Daşary işler ministrliginiň metbugat sekretary BMG Adam Hukuklary Geňeşiniň Eýrana garşy kararyna jogap edip, halklaryň hukuklaryny bozýan ýurtlaryň adam hukuklary statusyny talap edip bilmejekdigini aýtdy.

IRNA habar gullugynyň habaryna görä, Eýranyň Daşary işler ministrliginiň metbugat sekretary Said Hatibzadeh çarşenbe güni BMG Adam Hukuklary Geňeşiniň 46-njy mejlisinde bir topar ýurt Eýran Yslam Respublikasyna garşy kararyny[ jogabynda bu karar gowşak we halkara derejede ylalaşygy bolmadyk we kabul edilmedik sesleriň netijesidir diýdi.

Hatibzadehiň pikiriçe: Bu kararda ýörite hasabatçynyň gün tertibi uzaldyldy, hasabatynda onlarça bigünä çaganyň we ýüzlerçe bigünä hassanyň derman we lukmançylyk enjamlaryna elýeterliligi kynlygy sebäpli we ölümi barada hiç zat aýdylmaýar şeýle hem, müňlerçe Eýran raýatynyň "ýaşamak hukugynyň" we "bejergä girmek hukugynyň" düýbünden bozulmagy bilen gyzyklanmaýar.

Hatibzadeh sözüniň dowamynda bu rezolýusiýany goldaýanlar, ilkinji nobatda ABŞ-nyň hökümetiniň ykdysady terrorçylyk we birtaraplaýyn we sütemli sanksiýalaryň güýçlenmegi we Koronawirusy döwründe Eýranlylaryň lukmançylyk enjamlary we önümleri ýaly esasy zerur zatlara elýeterliligine zyýanly täsirlerini ýazgarmalydyrlar diýdi.

Eýranyň Daşary işler ministrliginiň metbugat sekretary, Eýranyň ABŞ-nyň ykdysady terrorçylygynyň zulumly basyşlaryna garamazdan, Eýranyň öz raýatlaryna we halkara jemgyýetçiligine beren borçnamalaryny hemişe ýerine ýetirýändigini aýtdy.