Zarif Owganystanyň prezidenti bilen duşuşdy
Aziýanyň ýüregi atly ministrleriniň konferensiýasyna gatnaşmak üçin Täjigistana sapar eden Eýranyň Daşary işler ministri Owganystanyň prezidenti bilen geçiren duşuşygynda bu ýurtdaky parahatçylyk etaby, sebit meselelerini we ikitaraplaýyn gatnaşyklary ara alyp maslahatlaşdy.
Duşuşykda Owganystanyň prezidenti Aşraf Gani Eýran Yslam Respublikasynyň Owganystandaky wakalar babatdaky pozisiýasyna minnetdarlygyny bildirdi we öz ýurdunyň ähli ugurlardaky gatnaşyklary giňeltmäge we iki ýurduň arasynda ykdysady hyzmatdaşlyk üçin bilelikdäki komissiýa gurmaga taýýardygyny mälim etdi.
Owganystandaky parahatçylygyň geljegi we Eýranyň Owganystan Yslam Respublikasynda parahatçylygy we durnuklylygy ornaşdyrmakdaky pozisiýasy Zarifiň Owganystanyň prezidenti bilen duşuşygynda ara alnyp maslahatlaşyldy.
Ýene bir habara görä,Eýranyň Daşary işler ministri Muhammet Jawad Zarif, Duşanbe şäherinde geçirilen "Aziýanyň ýüregi" atly konferensiýasynyň çäginde Eýran, Owganystan Yslam Respublikasy we Täjigistannyň Daşary işler ministrleriniň üçtaraplaýyn duşuşygynda, sebitde ýakynlygy we durnuklylygy döretmekde üç ýurduň arasyndaky hyzmatdaşlygyň möhümdigini belläp, Eýranyň medeni hyzmatdaşlygy amaly meýilnama görnüşinde başlamaga taýýardygyny mälim etdi.