Zarif: D8 ýurtlary bilen dürli ugurlarda hyzmatdaşlyga taýýar

Eýranyň Daşary işler ministri, söwdany ýeňilleşdirmek we ýokarlandyrmak, transport aragatnaşygyny giňeltmek, syýahatçylygy güýçlendirmek we tehnologiki we adam esasanam ýaşlar mümkinçiliklerinden peýdalanmak ýaly işleriň D8 ​​guramasynyň ileri tutýan ugurlaryndandygyny nygtap Eýranyň bu ugurda çynlakaý hyzmatdaşlyga taýýardygyny mälim etdi.

Çarşenbe güni IRNA-nyň habaryna görä, Muhammet Jawad Zarif şu gün Nursultanda sekiz ösýän ýurtda ykdysady hyzmatdaşlyk guramasynyň (D8) daşary işler ministrleriniň 19-njy wirtual ýygnagynda çykyş etdi.

Eýranyň Daşary işler ministri görlüp-eşidilmedik korona krizisine we onuň agza ýurtlaryň ykdysadyýetine ýetirýän zyýanly täsirlerine yşarat edip bu krizisden öwrenilmeli sapaklaryň biri, saglyk krizisiniň ykdysady krizis, gumanitar krizis, bilim krizisi we halkara jemgyýetçiligindäki deňsizlikleriň ýokarlanmagy ýaly krizise nädip öwrülip biljekdigi we esasy çykdajylary ösüp barýan ýurtlar ýükleýändigini aýtdy.

Zarif şeýle-de Korona epidemiýasy wagtynda ABŞ-nyň Eýran halkyna garşy alyp barýan zulumly sanksiýalaryna yşarat edip, halklaryň arasyndaky barha artýan raýdaşlyk duýgusyny we krizis döwründe hyzmatdaşlyga taýynlygy Korona döwri üçin oňyn sapak hökmünde häsiýetlendirdi.

D8 Guramanyň Daşary işler ministrleriniň maslahaty Bangladeşiň Daşary işler ministrleriniň ýolbaşçylygynda geçirildi we oňa Müsüriň, Indoneziýanyň, Eýran Yslam Respublikasynyň, Malaýziýanyň, Nigeriýanyň, Päkistanyň we Türkiýäniň Daşary işler ministrleri gatnaşdylar.

D8 guramanyň ýolbaşçylaryň wirtual sammiti ertir prezident Hasan Ruhaniniň gatnaşmagynda we Bangladeşiň premýer-ministri tarapyndan ýolbaşçylyk ediler.