Ruhani: Howpsuzlyk Eýran bilen Pakistanyň umumy aladasy

Eýran Yslam Respublikasynyň Prezidenti, sebit mehanizmlerine ünsi jemläp sebitde parahatçylygy we durnuklylygy üpjün etmegiň zerurdygyny belläp, iki goňşy ýurt, Eýran we Päkistan serhetleriniň howpsuzlygyny üpjün etmegiň zerurdygyny aýtmak bilen howpsuzlyk iki ýurduň umumy aladasy we bu ugurda hyzmatdaşlygy güýçlendirmek zerurdyr diýdi.

Çarşenbe güni Pakistanyň Daşary işler ministri Şah Mahmud Kureşi bilen geçirilen duşuşykda Hasan Ruhani, Eýranyň musulman goňşusy hökmünde Päkistan bilen hyzmatdaşlygyň möhümdigini aýtdy we ykdysady we söwda gatnaşyklaryny öz içine alýan dürli ugurlarda iki ýurduň arasyndaky gatnaşyklary ösdürmegiň we çuňlaşdyrmagyň zerurdygyny aýtmak bilen, serhet bazarlaryň ösmegini we güýçlenmegini nygtady.

Ruhani Amerikanyň Owganystandan çykmak kararyna ünsi çekip, ABŞ-nyň sebitdäki harby güýçleriniň howpsuzlygy we durnuklylygy saklamaga kömek etmändigine yşarat edip Eýran we Päkistan, Owganystanyň iň möhüm we täsirli goňşulary hökmünde bu ýurtdaky parahatçylyk prosesini özara gatnaşyklar we hyzmatdaşlyk arkaly dolandyrmakda öz rollaryny oýnamalydyrlar we Eýran Yslam Respublikasy bu meselede öz roluny oýnamak üçin Pakistan we Owganystan bilen hyzmatdaşlyk etmegi garşy alýar diýip beýan etdi.

Duşuşygyň dowamynda Pakistanyň Daşary işler ministri Eýran Yslam Respublikasy bilen gatnaşyklary üýtgeşik, gymmatly we doganlykly diýip häsiýetlendirdi we bu gatnaşyklary ähli ugurlarda berkitmegiň zerurdygyny aýtdy.

Şah Mahmud Kureşi, Pakistanyň premýer-ministri Imran Hanyň Eýran bilen gatnaşyklary mundan beýläk-de ösdürmäge berýän ünsi barada durup geçip, ikitaraplaýyn gatnaşyklaryň ýakyn wagtda täze tapgyra gadam basjakdygyna we iki ýurduň arasyndaky gatnaşyklaryň ösmeginde, esasanam söwda we ykdysadyýet ugurlarynda täze açyşlara şaýat bolmagyna umyt bildirdi.