Wenada Eýran-Orsýet-Hytaý üç taraplaýyn duşuşygy

Wenada Eýranyň, Orsýetiň we Hytaýyň wekiliýetleriniň ýolbaşçylarynyň arasynda üç taraplaýyn utgaşdyryjy ýygnak geçirildi.

Bilelikdäki komissiýanyň Wenadaky mejlisleriniň täzeden başlamagynyň öňüsyrasynda, şu gün (sişenbe) Wenadaky Eýranyň Hemişelik wekilhanasynda eýran, rus we hytaý wekiliýetleriniň ýolbaşçylarynyň arasynda üç taraplaýyn utgaşdyryjy ýygnak geçirildi.

Duşuşykda taraplar Amerikanyň Birleşen Ştatlarynyň ýadro ylalaşygyna gaýdyp gelmegi we Eýrana garşy sanksiýalaryň ýatyrylmagy baradaky gepleşikleriň soňky ýagdaýyny gözden geçirmek bilen bu ýurduň ýadro ylalaşygyna gaýdyp gelmegi üçin zerur şert hökmünde ABŞ-nyň sanksiýalaryny derrew ýatyrmaga çagyrdylar.

Eýran Yslam Respublikasynyň, Orsýetiň we Hytaýyň wekiliýetleriniň ýolbaşçylary üç delegasiýanyň umumy pikirini we bu gepleşiklerde üç ýurduň arasynda dowamly maslahatlaşmagyň we çynlakaý utgaşdyrmagyň zerurdygyny aýtdylar.

ýadro ylalaşygy boýunça bilelikdäki komissiýasynyň ýygnagy şu gün, sişenbe güni Eýranyň we P4 + 1 toparynyň (Germaniýa, Fransiýa, Angliýa, Orsýet we Hytaý) wekiliýetleriniň we Wenadaky Ýewropa Bileleşiginiň wekilleriniň gatnaşmagynda geçiriler.

Eýranyň wekiliýetine Eýranyň Daşary işler ministriniň orunbasary "Seýed Abbas Aragçi" ýolbaşçylyk eder.