Amir Abdullahian Ermenistan bilen Azerbaýjan Respublikasynyň arasyndaky jedelleriň parahatçylykly çözülmegine ünsi çekdi
Eýranyň Daşary işler ministri ermeni kärdeşi bilen telefon arkaly söhbetdeşlikde Ermenistan bilen Azerbaýjan respublikasynyň arasyndaky jedelleriň parahatçylykly çözülmegine ünsi çekdi we Eýranyň bu jedelleri çözmäge kömek bermäge taýýardygyny mälim etdi.
Fars habar gullugynyň habaryna görä Ermenistanyň Daşary işler ministri Ararat Mirzoýan Eýranyň Daşary işler ministri Huseýin Amir-Abdullahýany ynam sesini almagy we Daşary işler ministri wezipesine girişmegi bilen gutlady.
Şeýle hem Ermenistanyň Daşary işler ministri iki ýurduň arasyndaky hyzmatdaşlygy giňeltmäge, esasanam söwda, ulag we üstaşyr geçiş işlerini ýeňilleşdirmäge çagyrdy.
Amir Abdullahian hem Ermenistanyň Daşary işler ministrine gutlaglary üçin minnetdarlyk bildirdi we Eýran Yslam Respublikasynyň iki ýurduň arasyndaky gatnaşyklary, şol sanda ykdysady we söwda hyzmatdaşlygyny hemmetaraplaýyn ösdürmäge taýýardygyny mälim etdi.
Eýranyň Daşary işler ministri şeýle-de halkara serhetlerine hormat goýulmalydygyny belläp, iki goňşy Ermenistan bilen Azerbaýjan Respublikasynyň arasyndaky dawalary parahatçylykly çözmegiň zerurdygyny aýtdy we Eýranyň bu jedelleri çözmäge kömek bermäge taýýardygyny mälim etdi.