Hatibzadeh: Eýran Sudandaky wakalara ýakyndan gözegçilik edýär

Eýranyň Daşary işler ministrliginiň metbugat sekretary soňky günlerde Sudanda bolup geçen şübheli wakalaryň ýurtda demokratik geçiş prosesine kömek etmeýändigini we Eýran Yslam Respublikasynyň bu wakalara ýakyndan gözegçilik edýändigini aýtdy.

IRNA habar gullugynyň habaryna görä, "Said Hatibzadeh" sözüniň dowamynda: Dolandyryjy guramanyň bir bölegini demokratiýa bolmadyk taýdan aýyrmak Sudanyň halkynyň islegini äsgermezlik etmek hökümindedir we bu ýurduň halkynyň öňe sürýän maksatlaryna laýyk gelýän däldigini aýtdy.

Hatibzadeh, bu wakalara daşarky faktorlaryň täsirli gatnaşmagynyň alamatlarynyň bardygyny belläp, Sionist akymlar, begençlerini bu hereketlerden gizlemeýärler diýdi.

Şeýle hem ol: Eýran Yslam Respublikasy, Sudanyň Dolandyryş Geňeşiniň hüşgärliginiň zerurdygyny belläp, ýurtdaky ähli içerki taraplary Sudan-Sudan giňişleýin gepleşiklerine çagyrýar -diýdi.

Sudandaky harby agdarlyşykdan alty gün soň ýurtdaky ýagdaý henizem dartgynlydyr.

Duşenbe güni Sudanda ýaragly güýçleriň serkerdesi general Abdol Fattah al-Burhanyň ýolbaşçylygyndaky döwlet agdarylyşygyndan bäri müňlerçe adam agdarlyşa garşy köçä çykdy we howpsuzlyk güýçleri bilen bolan çaknyşykda birnäçe adam öldi.