Eýran Yragyň premýer-ministriniň janyna kast etmek synanyşygyny ýazgardy
Eýranyň Daşary işler ministrliginiň metbugat sekretary Yragyň premýer-ministriniň janyna kast etmek synanyşygyny ýazgardy.
Eýranyň Daşary işler ministrliginiň metbugat sekretary Said Hatibzadeh ýekşenbe güni Yragyň premýer-ministri Mustafa al-Kazemini öldürmek synanyşygyny ýazgarmak bilen Eýran Yslam Respublikasynyň Yrakdaky durnuklylygy, howpsuzlygy we parahatçylygy goldaýan berk we üznüksiz pozisiýasyna ünsi çekdi.
Eýranyň Daşary işler ministrliginiň metbugat sekretary, hemmeleri Yragyň howpsuzlygyny we ösüşini nyşana alýan dildüwşüklerden habardar bolmaga çagyrmak bilen bu hili wakalar soňky 18 ýylda Yragyň durnuklylygyny, howpsuzlygyny, garaşsyzlygyny we territorial bitewiligini bozýan we terrorçy we pitneçi toparlary döretmek bilen, sebitdäki erbet maksatlaryna ýetmäge synanşýan taraplaryň bähbidine bolandygyny aýtdy.
Yragyň howpsuzlyk media topary ýekşenbe güni irden beren beýanatynda al-Kazemini pilotsyz bombaly uçar bilen öldürmek synanyşygynyň Bagdadyň ýaşyl zolagyndaky ýerleşýan jaýynda bolandygyny emma şowsuzlyga uçrandygyny aýtdy.
Yragyň premýer-ministri twitde:Halym gowy, men halkyň arasynda. Men hemmäni asuda we saklanmaga çagyrýaryn" -diýdi.
