Eýranyň bilen Türkmenistanyň prezidentleri ikitaraplaýyn hyzmatdaşlygyň ösdürilmegini nygtadylar
Eýranyň we Türkmenistanyň prezidentleri serhet hyzmatdaşlygyny güýçlendirmek, haryt söwdasyny ýeňilleşdirmek we iki ýurduň arasyndaky gatnaşyklary ösdürmek üçin ykdysady we söwda hyzmatdaşlygyny ösdürmegiň zerurdygyny aýtdylar.
Eýranyň Prezidentiniň maglumat merkeziniň beren habaryna görä, Eýran Yslam Respublikasynyň prezidenti Seýed Ybraýym Raisi duşenbe güni Türkmenistanyň prezidenti Gurbanguly Berdymuhamedow bilen telefon arkaly söhbetdeşliginde iki ýurduň arasyndaky harytlary daşamak we üstaşyr geçirmek boýunça bilelikdäki hyzmatdaşlyga ünsi çekmek bilen Eýran we Türkmenistan häkimiýetleriniň tagallasy bilen serhet gatnaşyklaryny berkitmek üçin gowy çäreler görülendir diýdi.
Eýran Yslam Respublikasynyň Prezidenti şeýle-de gaz hyzmatdaşlygy we Türkmenistan-Azerbaýjan Eýrandan gaz çalşygyny durmuşa geçirmek babatynda gowy çäreleriň görülendigini aýtdy.
Türkmenistanyň prezidenti hem goňşy ýurtlaryň arasyndaky hyzmatdaşlygyň ähmiýetine ünsi çekip: Türkmenistan bilen Eýranyň arasyndaky müň ýyllyk siwilizasiýa bilen gatnaşyklar halkara guramalarynda hyzmatdaşlyk görnüşinde dowam etmelidir diýdi.
"Gurbanguly Berdymuhamedow" Türkmenistan bilen Eýranyň arasyndaky gatnaşyklarda söwda we ykdysady hyzmatdaşlygyň ähmiýetini möhüm hasaplamak bilen lukmançylyk ösüşinde Eýranyň aýratyn orny bardyr diýdi.
Türkmenistanyň prezidenti, Azerbaýjan Respublikasy bilen Türkmenistanyň arasynda Eýranyň topragynda gaz çalşygy baradaky şertnamanyň ähmiýetini nygtamak bilen üç ýurduň arasynda bu ugurda hyzmatdaşlyk üçin bilelikdäki komissiýanyň döredilmegini isledi.