Eýran parahatçylygyň gysga wagtda Gazagystana dolanmagyny umyt edýär

Eýranyň Daşary işler ministrliginiň metbugat sekretary asudalygyň gysga wagtda Gazagystana gaýdyp gelmegini umyt etdi.

Eýranyň Daşary işler ministrliginiň metbugat sekretary "Said Hatibzadeh" penşenbe güni Gazagystan Respublikasynda bolup geçen soňky wakalara gaýtawul görkezip şeýle diýdi: Dostlukly, dogan we goňşy ýurduň akylly hökümeti we adamlary kesekileriň goşulmazlygynda hem-de milli bähbitler esasynda gepleşik geçirmek arkaly kynçylyklaryny we düşünişmezliklerini çözüp biljekdirler diýdi.

Hatibzadeh, Gazagystanyň durnuklylygynyň we howpsuzlygynyň Eýran Yslam Respublikasy üçin möhümdigini aýtmak bilen daşary ýurtlaryň bu meseleden hyýanatçylykly peýdalanmak üçin hiç hili esas bolmaly däldir diýip beýan etdi.

Eýranyň Daşary işler ministrliginiň metbugat sekretary Tähranyň Gazagystanda bolup geçýän wakalara ýakyndan gözegçilik edýändigini aýtdy we parahatçylygyň gysga wagtda ýurda gaýdyp gelmegini umyt etdi.

Protestleriň üçünji gününde Gazagystanyň Almaty şäherindäki asly meýdança ýüzlerçe demonstrant we polisiýa çaknaşdylar.

Şaýatlaryň sözlerine görä, penşenbe güni irden ýurduň iň uly şäheri "Almaty" -yň asly meýdanynda howpsuzlyk güýçleri demonstrantlara ýakynlaşanda, atyşyk sesi eşidilipdir.

Gazagystanyň polisiýasy şu gün (penşenbe) demonstrantlar bilen polibus güýçleriniň arasyndaky konflikt sebäpli onlarça adamyň öldürendigini habar berdi.

Gazagystanyň Saglygy goraýyş ministrliginiň habaryna görä, ýurduň dürli künjeklerinde müňden gowrak adam ýaralanyp, 400 töweregi adam keselhanda ýerleşdirildi.

Sputnik Gazagystana we tersine uçuşlaryň togtadylandygyny habar berdi.

Gazagystanda demonstrasiýalar ýekşenbe güni hökümet suwuklandyrylan gazynyň bahasyny 60-dan 120 tenge çenli ýokarlandyrmak kararyna gelenden soň başlandy.

Gazagystanyň howpsuzlyk güýçleri Almatyda tertibi dikeltmäge gönükdirilen terrorçylyga garşy operasiýa başlady.